دو بیویاں ، چار لڑکے ، چھ لڑکیاں ہیں تو وراثت کیسے جاری ہوگی ۔

سوال نمبر 2371

 السلام علیکم ورحمةاللہ وبرکاتہ 

کیافرماتےہیں علماۓکرام ومفتیان عظام اس مسئلہ میں کہ زید کا انتقال ہوگیا ہے اس کے ورثہ میں دو بیویاں  ، چار لڑکے  ، چھ لڑکیاں ہیں ۔ 

تو وارثین میں ازروئے شرع کس کا کتنا کتنا حصہ ہوگا ۔ 

براۓ مہربانی جواب عنایت فرماکر عنداللہ ماجورہوں عندالناس مشکورہوں ۔ 

المستفتی ۔ غلام غوث سبحانی اترولہ بلرامپور ۔

وعلیکم السلام ورحمةاللہ وبرکاتہ 

الجواب۔بعون الملک الوھاب صورت مسئولہ میں بعد تقدیم ماتقدم وانحصارورثہ فی المذکورین شوہر مرحوم کے کل مال متروکہ منقولہ وغیرمنقولہ کے ( 16)  سولہ حصے کئے جائیں گے ۔ 

جس میں سے مرحوم کی دونوں بیویوں کو آٽھواں حصہ  (2) دو حصہ ملےگا ۔ یعنی ہر ایک بیوی کو ایک ایک حصہ ملےگا ۔ 

ارشادباری تعالی : ۔ فَاِنْ  كَانَ  لَكُمْ  وَلَدٌ  فَلَهُنَّ  الثُّمُنُ  مِمَّا  تَرَكْتُمْ  مِّنْۢ  بَعْدِ  وَصِیَّةٍ  تُوْصُوْنَ  بِهَاۤ  اَوْ  دَیْنٍؕ ۔ 

پھر اگر تمہارے اولاد ہوتوان کا تمہارے ترکہ میں سے آٹھواں جو وصیت تم کرجاؤ اور دین نکال کر ۔ (پارہ  ٤ سورہ النساء آیت  ١١ )

پھر باقی بچے چودہ ( 14) حصہ تو ہرایک  بیٹے  کو دو دو (2 ،  2)حصہ اورہرایک  بیٹی کو ایک ایک ( 1 ،  1)حصہ ملے گا ۔ ارشادباری تعالی : ۔ یُوْصِیْكُمُ  اللّٰهُ  فِیْۤ  اَوْلَادِكُمْۗ-لِلذَّكَرِ  مِثْلُ  حَظِّ  الْاُنْثَیَیْنِۚ- 

اللہ عزوجل تمہیں حکم دیتا ہے تمہاری اولاد کے بارے میں بیٹے کا حصہ دو بیٹیوں کے برابر ہے ۔ (پارہ  ٤ سورہ النساء  آیت ١١ ) 

مسئلہ  ۔            16۔  

بیوی ۔۔۔۔۔۔۔۔۔۔۔۔۔۔۔۔۔۔۔ 1

بیوی۔۔۔۔۔۔۔۔۔۔۔۔۔۔۔۔۔۔۔۔1

بیٹا۔۔۔۔۔۔۔۔۔۔۔۔۔۔۔۔۔۔۔۔۔۔2

بیٹا۔۔۔۔۔۔۔۔۔۔۔۔۔۔۔۔۔۔۔۔۔۔2

بیٹا۔۔۔۔۔۔۔۔۔۔۔۔۔۔۔۔۔۔۔۔۔۔2

بیٹا۔۔۔۔۔۔۔۔۔۔۔۔۔۔۔۔۔۔۔۔۔۔2

بیٹی۔۔۔۔۔۔۔۔۔۔۔۔۔۔۔۔۔۔۔۔1

بیٹی۔۔۔۔۔۔۔۔۔۔۔۔۔۔۔۔۔۔۔۔1

بیٹی۔۔۔۔۔۔۔۔۔۔۔۔۔۔۔۔۔۔۔۔1

بیٹی۔۔۔۔۔۔۔۔۔۔۔۔۔۔۔۔۔۔۔۔1

بیٹی۔۔۔۔۔۔۔۔۔۔۔۔۔۔۔۔۔۔۔۔1

بیٹی ۔۔۔۔۔۔۔۔۔۔۔۔۔۔۔۔۔۔۔1

وھوسبحانہ تعالی اعلم بالصواب ۔ 

کتبه 

العبد ابوالفیضان محمد عتیق اللہ صدیقی فیضی یارعلوی ارشدی عفی عنہ 

دارالعلوم اھلسنت محی الاسلام 

بتھریاکلاں ڈومریا گنج سدھارتھنگر یوپی ۔ 

المتوطن ۔ کھڑریابزرگ پھلواپور گورابازار سدھارتھنگر یوپی ۔ 

 ٢٠      رجب المرجب      ١٤٤٤ھ 

١٢      فروری        ٢٠٢٣ء

مسائل شرعیہ کے جملہ فتاوی کے لئے یہاں کلک کریں

فتاوی مسائل شرعیہ کے لئے یہاں کلک کریں