دو بیوی تین لڑکے چھ لڑکیوں میں کیسے مال تقسیم ہوگا؟

سوال نمبر2384

 السلام علیکم ورحمۃ الله وبرکاته

کیا فرماتے ہیں علمائے ذوی الاحترام و مفتیان عظام مسئلہ ذیل کے متعلق 

ایک آدمی ہیں ڈومن خان اس کا انتقال ہوا اس کی دو بیوی  ہیں ایک بیوی سے ایک لڑکی  ہے اور دوسری بیوی سے تین لڑکے اور پانچ لڑکیاں ہیں۔                                             پوری زمین 64 بیگا اور 13 بسوا ہے          ہربیوی اور لڑکیوں اور لڑکوں کو کتنا کتنا بیگا زمین ملے گی۔ احادیث و کتب فقہیہ کی روشنی میں جلد جواب عنایت فرمائیں۔

سائل محمد شریف راجستھان۔

وعلیکم السلام ورحمةاللہ وبرکاتہ 

الجواب۔بعون الملک الوھاب صورت مسئولہ میں بعد تقدیم ماتقدم وانحصارورثہ فی المذکورین شوہر مرحوم کے کل مال متروکہ منقولہ وغیرمنقولہ کے ( 96)  چھیانوے حصے کئے جائیں گے ۔ 

جس میں سے مرحوم کی دونوں بیویوں کو آٽھواں حصہ  (12) بارہ حصہ ملےگا ۔ یعنی ہر ایک بیوی کو چھ ،چھ حصہ ملےگا ۔ 

ارشادباری تعالی : ۔ 

فَاِنْ  كَانَ  لَكُمْ  وَلَدٌ  فَلَهُنَّ  الثُّمُنُ  مِمَّا  تَرَكْتُمْ  مِّنْۢ  بَعْدِ  وَصِیَّةٍ  تُوْصُوْنَ  بِهَاۤ  اَوْ  دَیْنٍؕ ۔ 

پھر اگر تمہارے اولاد ہوتوان کا تمہارے ترکہ میں سے آٹھواں جو وصیت تم کرجاؤ اور دین نکال کر ۔ 

(پارہ  ٤ سورہ النساء آیت  ١١ )

پھر باقی بچے چوراسی (84) حصہ تواس میں سے ہرایک  بیٹے  کو  (14 ،  14) چودہ ،چودہ حصہ اورہرایک  بیٹی کو  ( 7 ،  7)سات ،سات حصہ ملے گا ۔ 

ارشادباری تعالی : ۔ 

یُوْصِیْكُمُ  اللّٰهُ  فِیْۤ  اَوْلَادِكُمْۗ-لِلذَّكَرِ  مِثْلُ  حَظِّ  الْاُنْثَیَیْنِۚ- 

اللہ عزوجل تمہیں حکم دیتا ہے تمہاری اولاد کے بارے میں بیٹے کا حصہ دو بیٹیوں کے برابر ہے ۔ 

(پارہ  ٤ سورہ النساء  آیت ١١ ) 

مسئلہ  ۔      (96)  

بیوی ۔۔۔۔۔۔۔۔۔۔۔۔۔۔۔۔۔۔۔ 6

بیوی۔۔۔۔۔۔۔۔۔۔۔۔۔۔۔۔۔۔۔۔6

بیٹا۔۔۔۔۔۔۔۔۔۔۔۔۔۔۔۔۔۔۔۔۔۔14

بیٹا۔۔۔۔۔۔۔۔۔۔۔۔۔۔۔۔۔۔۔۔۔۔14

بیٹا۔۔۔۔۔۔۔۔۔۔۔۔۔۔۔۔۔۔۔۔۔۔14

بیٹی۔۔۔۔۔۔۔۔۔۔۔۔۔۔۔۔۔۔۔۔7

بیٹی۔۔۔۔۔۔۔۔۔۔۔۔۔۔۔۔۔۔۔۔7

بیٹی۔۔۔۔۔۔۔۔۔۔۔۔۔۔۔۔۔۔۔۔7

بیٹی۔۔۔۔۔۔۔۔۔۔۔۔۔۔۔۔۔۔۔۔7

بیٹی۔۔۔۔۔۔۔۔۔۔۔۔۔۔۔۔۔۔۔۔7

بیٹی ۔۔۔۔۔۔۔۔۔۔۔۔۔۔۔۔۔۔۔7

وھوسبحانہ تعالی اعلم بالصواب ۔ 

کتبه 

العبد ابوالفیضان محمد عتیق اللہ صدیقی فیضی یارعلوی ارشدی عفی عنہ 

دارالعلوم اھلسنت محی الاسلام 

بتھریاکلاں ڈومریا گنج سدھارتھنگر یوپی ۔ 

المتوطن ۔ کھڑریابزرگ پھلواپور گورابازار سدھارتھنگر یوپی ۔ 

 ١٣ رمضان المبارک     ١٤٤٤ھ 

 ٥   اپریل        ٢٠٢٣ء