شوہر تین بیٹا دو بیٹی میں وراثت تقسیم

 سوال نمبر 2529

السلام علیکم ورحمۃاللہ وبرکاتہ

کیا فرماتے ہیں علمائے دین و مفتیان شرع متین اس مسئلہ میں کہ ہندہ کا انتقال ہوگیا ہے اس نے وارثوں میں شوہر تین بیٹا دو بیٹی  چھوڑی تو ہندہ مرحومہ کے مال متروکہ میں کس کو کتنا حصہ ملے گا ؟

ازروئے شرع جواب عنایت فرمائیں ۔ کرم نوازش ہو گی ۔ 

المستفتی ۔  غلام حسین سبحانی بلرام پور یوپی ۔

وعلیکم السلام ورحمۃ اللہ وبرکاتہ

الجواب بعون الملک الوھاب

صورت مسئولہ میں برصدق مستفتی بعد تقدیم ماتقدم علی الارث وانحصار ورثہ فی المذکورین مرحومہ کے مال متروکہ منقولہ وغیرمنقولہ کے بتیس حصے (٣٢)کئے جائیں گے. جس میں سے ایک چوتھائی یعنی آٹھ حصہ (٨ )شوہر کو دیا جائے گا. 

ارشاد باری تعالیٰ  فَاِنْ  كَانَ  لَهُنَّ  وَلَدٌ  فَلَكُمُ  الرُّبُعُ  مِمَّا  تَرَكْنَ  مِنْۢ  بَعْدِ  وَصِیَّةٍ  یُّوْصِیْنَ  بِهَاۤ  اَوْ  دَیْنٍؕ  پھر اگر ان کی اولاد ہو تو ان کےترکہ میں  سے تمہیں  چوتھائی ہے جو وصیّت وہ کر گئیں  اور دَین نکال کر پھر باقی بچے چوبیس حصے تو اس میں سے ہرایک لڑکے کو چھ ،چھ  حصہ (٦ ، ٦ )دیا جائے گا اور ہر ایک لڑکی کو تین ، تین حصہ ( ٣ ،٣) ملے گا  ارشاد باری تعالیٰ 

یُوْصِیْكُمُ  اللّٰهُ  فِیْۤ  اَوْلَادِكُمْۗ-لِلذَّكَرِ  مِثْلُ  حَظِّ  الْاُنْثَیَیْنِۚ  اللّٰہ  (عزوجل) تمہیں  حکم دیتا ہے تمہاری اولاد کے بارے میں  بیٹے کا حصہ دو بیٹیوں  کے برابر ہے 

(پارہ ٤ سورہ النساء آیت ١١,١٢ )

مسئلہ ٤×٨=٣٢ تصحیح ۔

شوہر ۔۔۔۔۔۔۔۔۔۔۔۔۔ ٨ 

بیٹا ۔۔۔۔۔۔۔۔۔۔۔۔۔۔۔٦ 

بیٹا ۔۔۔۔۔۔۔۔۔۔۔۔۔۔۔٦

بیٹا ۔۔۔۔۔۔۔۔۔۔۔۔۔۔۔٦

بیٹی ۔۔۔۔۔۔۔۔۔۔۔۔۔٣

بیٹی ۔۔۔۔۔۔۔۔۔۔۔۔۔٣

وھوسبحانہ تعالیٰ اعلم بالصواب

کتبه 

العبد ابوالفیضان الحاج محمد عتیق اللہ صدیقی فیضی یارعلوی ارشدی عفی عنہ ۔ 

مقام کھڑریابزرگ پھلواپور پوسٹ گورا بازار ضلع سدھارتھ نگر یوپی ۔