سوال نمبر 2527
السلام علیکم ورحمۃاللہ وبرکاتہ
کیا فرماتے ہیں علمائے دین و مفتیان شرع متین اس مسئلہ میں کہ زید کا انتقال ہوگیا ہے اس نے وارثوں میں بیوی چار بیٹے اور پانچ بیٹیاں چھوڑا ہے اب معلوم یہ کرنا ہے کہ از روئے شرع اس کے میراث سےکس کو کتنا حصہ ملے گا ؟
بینوا وتوجروا
المستفتی ۔ غلام محمد قادری ڈومریاگنج سدھارتھ نگر یوپی ۔
وعلیکم السلام ورحمۃ اللہ وبرکاتہ
الجواب بعون الملک الوھاب ۔
صورت مسئولہ میں برصدق مستفتی بعد تقدیم ماتقدم علی الارث وانحصار ورثہ فی المذکورین مرحوم کے کل مال متروکہ منقولہ وغیرمنقولہ کے ایک سو چار (١٠٤) حصے کئے جائیں گے جس میں سے آٹھواں حصہ یعنی تیرہ حصہ (١٣)بیوی کو دیا جائے گا ۔ ارشاد باری تعالیٰ فَاِنْ كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُمْ مِّنْۢ بَعْدِ وَصِیَّةٍ تُوْصُوْنَ بِهَاۤ اَوْ دَیْنٍؕ پھر اگر تمہارے اولاد ہو تو ان کا تمہارے ترکہ میں سے آٹھواں جو وصیت تم کر جاؤ اور دَین نکال کر باقی بچے اکیانوے حصہ ( ٩١) تو اس میں سے ہرایک لڑکے کو چودہ چودہ حصے (١٤ ، ١٤ )دیا جائے گا اور ہر ایک لڑکی کو سات سات حصہ (٧ ،٧ ) دیا جائے گا ۔
ارشاد باری تعالیٰ یُوْصِیْكُمُ اللّٰهُ فِیْۤ اَوْلَادِكُمْۗ-لِلذَّكَرِ مِثْلُ حَظِّ الْاُنْثَیَیْنِۚ اللّٰہ (عزوجل) تمہیں حکم دیتا ہے تمہاری اولاد کے بارے میں بیٹے کا حصہ دو بیٹیوں کے برابر ہے
(پارہ ٤ سورہ النساء آیت ١١,١٢ )
مسئلہ ٨× ١٣=١٠٤ تصحیح
بیوی ۔۔۔۔۔۔۔۔۔۔۔۔۔ ١٣
بیٹا ۔۔۔۔۔۔۔۔۔۔۔۔۔۔١٤
بیٹا ۔۔۔۔۔۔۔۔۔۔۔۔۔۔١٤
بیٹا ۔۔۔۔۔۔۔۔۔۔۔۔۔۔١٤
بیٹا ۔۔۔۔۔۔۔۔۔۔۔۔۔۔١٤
بیٹی ۔۔۔۔۔۔۔۔۔۔۔۔۔٧
بیٹی ۔۔۔۔۔۔۔۔۔۔۔۔۔٧
بیٹی ۔۔۔۔۔۔۔۔۔۔۔۔۔٧
بیٹی ۔۔۔۔۔۔۔۔۔۔۔۔۔٧
بیٹی ۔۔۔۔۔۔۔۔۔۔۔۔۔٧
وھوسبحانہ تعالیٰ اعلم بالصواب
کتبه
العبد ابوالفيضان الحاج محمد عتيق الله صديقى فيضى یارعلوی ارشدی عفی عنہ ۔
مقام کھڑریابزرگ پھلواپور پوسٹ گورا بازار ضلع سدھارتھ نگر یوپی ۔
0 تبصرے