کیا آنکھ پھڑکنا بد شگونی ہے

سوال نمبر 54

السلام علیکم

 سوال : جیسا کہ اکثر لوگ مانتے ہیں کہ بائیں آنکھ کا پھڑکنا اور بائیں بازو کا پھڑکنا کوئی حادثہ ہونے یا نقصان ہونے کی علامت ہے ۔ اسکی کیا حقیقت ہے؟ قرآن و حدیث کی روشنی میں جواب عنایت فرمائیں

المستفتی : نور الھدی نوری بلیا یوپی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وعلیکم السلام و رحمة اللہ و برکاتہ

 جواب

 اسلام نے بد شگونی و بدفالی سے منع فرمایا آنکھ اور بازو کے پھڑکنے بُرا سمجھنا بھی خلاف اسلام جاہلانہ خیال ہے اسلام میں اس کی کوئی حقیقت اور اصل نہیں جیسا کہ حضرت علامہ بحر العلوم مفتی عبد المنان اعظمی علیہ الرحمہ اس کے متعلق تحریر فرماتے ہیں کہ "   بدفالی جائز نہیں جیسے آنکھ پھڑکنے کو بُرا شگون مانتے ہیں اس کا اعتبار نہ کرنا چاہئے اور ہیتھلی کھجلانے پر کہتے ہیں کہ روپیہ ملے گا اعتبار تو اس کا بھی نہیں " اھ ( فتاوی بحر العلوم ج 4 ص 145 )

واللہ اعلم بالصواب

 کریم اللہ رضوی