راکھی باندھنا کیسا ہے

سوال نمبر 62

 کیا فرماتے علمائے دین و مفتیان کرام مسئلے ذیل میں کہ راکھی باندھنے اور بندھوانے والے کا شرعی حکم مع حوالہ بھیجئے

المستفتی : عمران رضا گونڈہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 جواب راکھی باندھنا سخت فسق اور فجور ہے جس نے باندھا اور جس نے بندھویا سب فاسق و مستحق عذاب نار ہوئے اور ان سب پر توبہ لازم ہے جیسا کہ حضرت علامہ مفتی شریف الحق امجدی علیہ الرحمہ تحریر فرماتے ہیں کہ " جن مسلمان عورتوں نے ہندؤوں کو یہ ڈورا باندھا یا جن مسلمان مردوں نے ہندو عورتوں سے یہ ڈورا بندھوایا فاسق و فاجر گنہگار مستحق عذاب نار ہوئے لیکن کافر نہ ہوئے اس لیے کہ یہ راکھی بندھن پوجا نہیں ان کا قومی تہوار ہے اور ان کا یہ قومی شعار ہے مذہبی شعار نہیں

 کسی بھی کافر کے قومی شعار کو اختیار کرنا حرام وگناہ ہے جیسے ہولی کھیلنا

ہاں کسی کافر کے مذہبی شعار کو اختیار کرنا ضرور کفر ہے مذہبی شعار کا مطلب یہ ہوتا ہے کہ وہ چیز ان کے مذہب میں عبادت ہو یا وہ چیز ان کے مذہب کی علامت ہو جیسے چوٹی رکھنا   زنار  باندھنا اور راکھی باندھنا نہ تو ان کے مذہب  میں عبادت ہے اور نہ ہی ان کے مذہب کی رو سے ان کی مذہبی علامت یہ ایک وقتی رسم ہے " اھ ( فتاوی شارح بخاری : کتاب العقائد باب الفاظ الکفر ج 2 ص 566 )

واللہ اعلم بالصواب۔

المرتب

 کریم اللہ رضوی