قبرستان کی زمین میں مسجد بنا کر اس میں نماز پنچگانہ و جمعہ پڑھ سکتے ہیں؟

سوال نمبر 101

کیافرماتے ہیں علماء دین اس مسئلہ کےبارے میں کہ  ہمارے شہر میں جو قبرستان ہے جھاں نماز جنازہ پڑھائی جاتی ہے  اسی سے متصل جگہ میں مکتب مدرسہ بنایا گیا ہے اور اسی مکتب مدرسہ کے اوپر کے منزلہ پر  مسجد بنائی گئی ہے جس میں مع جمعہ پنج وقتہ نماز پڑھائی جائے گی  جو قبرستان کی زمین ہے 

کیا اس صورت میں قبرستان کی زمین میں مسجد بناکر  اس  نماز پڑھسکتے ہیں   اور  مسجد کے لئے کونسی جگہ ہونی چاھیئے  

اگر ہوسکے تو  جلد از جلد  مع حوالہ جواب عنایت فرماکر عوام کی اصلاح کریں

ســـائل محمد یوسف رضوی

الجواب بعون الملک الوہاب

صورت مسؤلہ میں واقعی قبرستان کی زمین موقوفہ ہے اور اسی وقف شدہ زمین پر مدرسہ اور مسجد بنائے گئے ہیں تو یہ ہرگز جائز نہیں

لہذا اگر وقفی قبرستان ہے اس پر مسجد مدرسہ بنانا جائز نہیں کہ اس میں تغیر وقف ہے اور وقف کا بدلنا جائز نہیں

لایجوز تغیرالوقف

فتاوی عالمگیری  

جلد دوم ص 354

نیز حضور صدرالشریعہ علیہ الرحمتہ والرضوان *فتح القدیر کے حوالے سے تحریر فرماتے ہیں 

الواجب ابقاء الوقف علی ما کان علیہ اور وقف کرنے کیلئے ملک شرط ہے تو جب زمین قبرستان کیلئے وقف ہوچکی تو ملک نہ رہی لہذا اب مسجد کیلئے وہ زمین وقف نہیں ہوسکتی

ہاں اگر وہ وقفی قبرستان نہ ہو تو قبروں کو بدستور باقی رکھ کر قبروں کے آس پاس سے ستون قائم کرکے اوپر چھت قائم کردیں کہ نیچے کے درجہ میں قبریں ہوں تو اوپر چھت پر مسجد و مدرسہ بنا سکتے ہیں کہ میت کا حق سطح قبر پر ہے

غنیہ میں ہے

یا ثم بوطأ القبور لان سقف القبر حق المیت

و ھـــــــکــــذا

فتاوی امجدیہ حصہ سوم ص 6/5  میں ہے

اور سیدنا اعلٰحضرت عظیم البرکت قاطع بدعت تہذیب و تادیب کے روشن مینار سنت مصطفی کے آئنہ دارالشاہ امام احمد رضا فاضل بریلوی علیہ الرحمتہ والرضوان بہ القوی تحریر فرماتے ہیں

قبرستان میں کوئی تصرف خلاف وقف جائز نہیں مدرسہ ہو خواہ مسجد یا کچھ اور اگر کسی کی ملک ہے تو قبور سے الگ جو چاہے بنا سکتاہے

فتاوی رضویہ شریف 

جلد ششم ص 347

فتاوی فقیہ ملت 

جلد دوم ص 180/ 181

ازقلم    ابوالصدف محمد صادق رضا