مرنے کے بعد عقیقہ کرنا کیسا ہے

سوال نمبر 56

 کیا فرماتے ہیں علمائے دین و مفتیان شرع متین

جس شخص کا لڑکا بچپن ہی میں انتقال کر گیااور کسی وجہ سے اس کا عقیقہ نہیں ہوا

تو اب والدین اپنے مرحوم بیٹے کا عقیقہ کرنا چاہتے ہیںایسی صورت میں عوام جو دعوت کھائے گی اس ایصالِ ثواب سمجھا جائے یا عقیقہ

 الجواب بعون الملک الوھاب عقیدہ بچہ کی پیدائش کے شکریہ میں کیا جاتا ہے نہ کی موت پر جیسا کہ حدہث شریف میں ہے

وَقَالَ أَصْبَغُ : أَخْبَرَنِي ابْنُ وَهْبٍ ، عَنْ جَرِيرِ بْنِ حَازِمٍ ، عَنْ أَيُّوبَ السَّخْتِيَانِيِّ ، عَنْ مُحَمَّدِ بْنِ سِيرِينَ ، حَدَّثَنَا سَلْمَانُ بْنُ عَامِرٍ الضَّبِّيُّ ، قَالَ : سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ ، يَقُولُ :    مَعَ الْغُلَامِ عَقِيقَةٌ فَأَهْرِيقُوا عَنْهُ دَمًا وَأَمِيطُوا عَنْهُ الْأَذَى (بخاری شریف حدیث نمبر ۵۴۷۲)

ترجمہ میں نے رسول اللہ صلی اللہ علیہ وسلم سے سنا، آپ صلی اللہ علیہ وسلم نے فرمایا کہ لڑکے کے ساتھ اس کا عقیقہ لگا ہوا ہے اس لیے اس کی طرف سے جانور ذبح کرو اور اس سے بال دور کرو ( سر منڈا دو یا ختنہ کرو ) ۔

      اور ایک دوسری حدیث میں ہے

 حَدَّثَنَا الْحَسَنُ بْنُ عَلِيٍّ الْخَلَّالُ،‏‏‏‏ حَدَّثَنَا عَبْدُ الرَّزَّاقِ،‏‏‏‏ أَخْبَرَنَا هِشَامُ بْنُ حَسَّانَ،‏‏‏‏ عَنْ حَفْصَةَ بِنْتِ سِيرِينَ،‏‏‏‏ عَنْ الرَّبَابِ، عَنْ سَلْمَانَ بْنِ عَامِرٍ الضَّبِّيِّ،‏‏‏‏ قَالَ:‏‏‏‏ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:‏‏‏‏    مَعَ الْغُلَامِ عَقِيقَةٌ فَأَهْرِيقُوا عَنْهُ دَمًا،‏‏‏‏ وَأَمِيطُوا عَنْهُ الْأَذَى   ،‏‏‏‏ حَدَّثَنَا الْحَسَنُ بْنُ أَعْيَنَ، حَدَّثَنَا عَبْدُ الرَّزَّاقِ،‏‏‏‏ أَخْبَرَنَا ابْنُ عُيَيْنَةَ،‏‏‏‏ عَنْ عَاصِمِ بْنِ سُلَيْمَانَ الْأَحْوَلِ،‏‏‏‏ عَنْ حَفْصَةَ بِنْتِ سِيرِينَ،‏‏‏‏ عَنْ الرَّبَابِ،‏‏‏‏ عَنْ سَلْمَانَ بْنِ عَامِرٍ،‏‏‏‏ عَنِ النَّبِيِّ صَلَّى اللَّهُ عَلَيْهِ وَسَلَّمَ مِثْلَهُ،‏‏‏‏ قَالَ أَبُو عِيسَى:‏‏‏‏ هَذَا حَدِيثٌ حَسَنٌ صَحِيحٌ (ترمذی۱۵۱۵)

ترجمہ رسول اللہ صلی اللہ علیہ وسلم نے فرمایا: ”لڑکے کی پیدائش پر عقیقہ لازم ہے،(یعنی مستحب) لہٰذا اس کی طرف سے خون بہاؤ ( جانور ذبح کرو ) اور اس سے گندگی دور کرو“۔ اس سند سے بھی سلمان بن عامر رضی الله عنہ سے اسی جیسی حدیث روایت مروی ہے۔ امام ترمذی کہتے ہیں: یہ حدیث حسن صحیح ہے۔

    اور بہار شریعت میں ہے بچہ پیدا ہونے کے شکریہ میں جو جانور ذبح کیا جاتا ہے اس کو عقیقہ کہتے ہیں (بہارشریعت ،ج۳،حصہ ۱۵،ص۳۵۵)

     لہذا انتقال کے بعد عقیقہ کرنا مناسب نہیں ہاں بطور ثواب کھانا پکا کر غربا مساکین کو کھلادیں اور اس کا ثواب بچہ کی روح کو ایصال کردیں یہ بہتر رہے گا.  واللہ تعا لی اعلم بالصواب

          کتبہ

الفقیر تاج محمد قادری واحدی اترولوی