اللہ کے گھر میں دیر ہے اندھیر نہیں بولنا کیسا

سوال نمبر 160

السلام علیکم ورحمتہ اللہ و برکاتہ 

علماء کرام کی بارگاہ میں سوال ہے اللہ تعالٰی کے بارے میں ایسا بولنا کیسا ہے " کہ اللہ کے گھر میں دیر ہے اندھیر نہیں " اگر کسی نے ایسا کہا تو اس پر کیا حکم آئے گا جواب عنایت فرمائیں عین نوازش ہوگی

المستفتی : محمد محفوظ عالم 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وعلیکم السلام و رحمة اللہ و برکاتہ 

 جواب مذکورہ جملہ بولنے میں کوئی مضائقہ نہیں کیونکہ اس سے مراد یہ لیا جاتا ہے کہ اللہ تعالی بعض اوقات بندے کی دعا دیر قبول فرماتا ہے کسی بھی وجہ سے لیکن بندہ جب بعد میں اس دعا کی قبولیت کو پاتا ہے تو اسے احساس ہوتا ہے کہ اس کی دعا رد نہیں گئی ۔ اسی طرح مزید بھی کئی مختلف اعتبار سے اس جملہ درست تعبیریں ممکن ہیں " اھ ( ماہنامہ فیضان مدینہ جولائی / اگست 2018 ء و ذو القعدہ 1439 ھ )

واللہ اعلم بالصواب 

کریم اللہ رضوی