کیا آپریشن سے بچہ نکالنا جائز ہے؟

سوال نمبر 515

حاملہ عورت کا آخری ماہ چل رہا ہو اور فوت ھو جائے تو کیا آپریشن سے بچہ نکالنا جاٸز ہے یا نہیں اس پر کوئی

جواب ارسال فرماٸیں

سائل لیس محمد 

---

الجواب بعون الملک الوہاب 

حاملہ عورت مرگئ اور  بچہ زندہ ہے توبلاشبہ نکالنا جائز ہے

جیسا کہ صدرالشریعہ علیہ الرحمہ تحریر فرماتے ہیں کہ عورت مرگئ اور اس کے پیٹ میں بچہ حرکت کر رہا ہے تو بائیں جانب سے پیٹ چاک کرکے بچہ نکالا جائے گا اور اگر عورت زندہ ہے اور اس کے پیٹ میں بچہ مرگیا اور عورت کی جان پر بنی ہو تو بچہ کاٹ کر نکالا جائے اور بچہ بھی زندہ ہو تو کیسی ہی تکلیف ہوبچہ کاٹ کر نکالنا جائز نہیں؛

(عالمگیری درمختار)

( بہار شریعت جلد اول حصہ چہارم صفحہ 73 )

واللہ تعالی اعلم

         کتبہ 

سالک رضا حبیبی