سوال نمبر 662
الســلام علیکم ورحمتہ اللہ وبرکاتہ
جی ہاں حضور ایک عرض ہے کہ
مثلا ۔ کسی کے قبر کی مٹی دھنس جاتی ہے تو لوگ قبر پر مٹی ڈال دیتے ہیں۔
کیا یہ صحیح ہے علمائے کرام جواب عنایت فرمائیں اور شکریہ کا موقع ادا کریں ۔
آپ کا خادم محمد محبوب عالم گورکھپور
وعلیکم السلام ورحمتہ اللہ وبرکاتہ
الجواب بعونہ تعالی دھنسی ہوئی قبر پر مٹی ڈالنا بیشک جائز ہے مگر تختہ یا کوئی چیز بچھا کر مٹی ڈالیں تاکہ میت کی بے حرمتی نہ ہو اور قبروں کا نشان بھی محفوظ رہے کہ یہ احترام مسلم ہے اور جائز ودرست ہے بعض جگہ شب براءت یا شب قدر میں ویسے مٹی ڈال کر دبا تے ہیں یہ جائز نہیں ہے کہ اس سے میت کو اذیت پہنچتی ہے،، اسی کے مثل آپ کے مسائل صفحہ ۲۱۳ و دیگر کتب فتاوی وفقہ میں ہے
واللہ تعالی اعلم بالصواب
کتبہ
حقیر عجمی محمد علی قادری واحدی
۱۹ جمادی الاولی ۱۴۴۱ ھجـری
0 تبصرے