تعمیر مسجد میں مرحومین کیلئے ایصال ثواب کی نیت سے حصہ لینا کیسا ہے؟

 سوال نمبر 1426

السلام علیکم ورحمت الله وبرکاته

کیا فرماتے ہیں علمائے کرام کہ تعمیر مسجد میں مردوں کے ایصال ثواب کے لئے سیمنٹ اینٹ وغیرہ لگانا جائز ہے یا نہیں

 المستفتی  عرفان رضا گجرات

---

وعلیکم السلام ورحمت الله وبرکاته

    بسم اللہ الرحمن الرحیم 

الجواب بعون الملک الوہاب

صدقہ دو قسم کا ہوتا ہے  صدقۂ واجبہ  اور صدقۂ نافلہ 

صدقۂ واجبہ مسجد کی تعمیر میں نہیں لگاسکتے  کیوں کہ صدقۂ واجبہ میں تملیک شرط ہے  اور رہا صدقۂ نافلہ تو اسے 

مسجد یا مدرسہ میں یا کسی جائز امر میں مردے کے ایصال ثواب کی نیت سے مال و دولت خرچ کرنا جائز ہے بلکہ مردے کی  بخشش ونجات کا ذریعہ ہے 

 عقائد کی مشہور درسی کتاب شرح عقائد نسفی شریف میں ہے 

فی دعاءالاحیاء للاموات وصدقتھم عنھم نفع لھم خلافا للمعتزلۃ

ترجمہ  مردوں کے لئے زندوں کو دعا کرنے اور صدقہ دینے سے نفع پہنچتا ہے بخلاف معتزلہ کے کہ وہ اس کے قائل نہیں

اور صراط الجنان میں 

  حضرت انس رَضِیَ اللہُ تَعَالٰی عَنْہُ   سے مروی حدیث میں ہے’’     سات چیزیں ایسی ہیں جن کا ثواب بندے کو مرنے کے بعد بھی ملتا ہے، ان میں سے ایک مسجد تعمیر کرنا ہے

اور اللہ کی مساجد میں ایصال ثواب کی نیت سے چندہ دینا یہ عمل خیر ہے 

اور اس کا ذکر قرآن میں بھی موجود ہے 

ارشاد باری تعالی ہے  وَ افْعَلُوا الْخَیْرَ لَعَلَّكُمْ تُفْلِحُوْنَ  اور بھلے کام کرو اس امید پر کہ تمہیں چھٹکارا ہو۔  (سورۃ ،الحج،،آیت،٧٧،کنزالایمان)

والله تعالی اعلم بالصواب

       کتبه

محمد فرقان برکاتی امجدی غفرلہ

٢٨/جمادی الآخر،،١١/فروری ٢٠٢١ء