سوال نمبر 1663
السلام علیکم
دودھ والے جانور کا تھن خشک یعنی سوکھ گیا تو قربانی کا کیا حکم ہے
المستفتی دانش رضا
وعلیکم السلام و رحمتہ اللہ و برکاتہ
بسم اللہ الرحمن الرحیم
الجواب بعون الملک الوھاب
جس جانور کے دو تھن ہوتے ہیں جیسے بکری وغیرہ اس کا ایک تھن اگر خشک ہو گیا ہو تو اس جانور کی قربانی جائز نہیں !
اور جس جانور کے چار تھن ہوتے ہیں اگر اس کے دو تھن خشک ہو گئے ہوں تو اسکی قربانی ناجائز ہے اور اگر ایک تھن خشک ہو تو جائز ہے !
جیسا کہ حضور صدرالشریعہ علیہ الرحمہ تحریر فرماتے ہیں کہ جس کے تھن کٹے ہوں یا خشک ہوں اس کی قربانی ناجائز ہے۔ بکری کے لئے ایک کا خشک ہونا ناجائز ہونے کے لئے کافی ہے اور گائے بھینس میں دو خشک ہوں تو ناجائز ہے ۔
(بہار شریعت جلد سوم حصہ پانزدہم صفحہ ٣٤١)
واللہ تعالی اعلم بالصواب
کتبہ
محمد مدثر جاوید رضوی
مقام۔ دھانگڑھا، بہادر گنج
ضلع۔ کشن گنج بہار
0 تبصرے