کیا جو لذت شہید ہونے میں ہے وہ جنت میں نہیں ہے؟

 

سوال نمبر 2171

 السلام علیکم ورحمۃ اللہ وبرکاتہ 

کیا فرماتے ہیں علمائے کرام مسئلہ ذیل کے بارے میں کہ کیا یہ روایت صحیح ہے جو لذت شہید ہونے میں ہے وہ لذت جنت میں نہیں ہے؟ 

المستفتی ۔۔۔محمد شمشیر رضا ضلع کٹیہار بہار

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

الجواب بعون اللہ و رسولہ

جی ہاں یہ روایت صحیح ہے کہ شہیدفی سبیل اللہ جنت میں عرض گزار ہوگا یا اللہ تیری جنت میں تمام ترآساٸش ہیں مگر وہ لذت نہیں جو تیرے نام پرگردن کٹانےمیں ملتی ہے!

جیساکہ حدیث میں ہے ۔۔۔

عن أنس بن مالک رضي الله عنه عن النبي صلى الله عليه وسلم قال مَا أحَدٌ يَدْخُل الجنَّة يُحِبُّ أن يَرجع إلى الدنيا وله ما على الأرض من شيء إلا الشَّهيديَتَمَنَّى أن يَرجع إلى الدنيا، فيُقْتَل عَشْر مَرَّاتٍ؛ لما يَرَى من الكَرَامة. وفي لما يَرى من الکرامة

حضرت انس رضی اللہ عنہ سے روایت ہے کہ نبی ﷺ نے فرمایا کوئی شخص بھی ایسا نہ ہو گا جو جنت میں داخل ہونے کے بعد دنیا میں دوبارہ آنا پسند کرے، خواہ اسے دنیا میں موجود ہر شئے مل جائے، سوائے شہید کے، اس کی یہ تمنا ہو گی کہ دنیا میں دوبارہ واپس جا کر دس مرتبہ اور قتل ہو کیونکہ وہ شہادت پر ملنے والی عزت کو دیکھ رہا ہوگا

صحیح البخاری ، المجلدالاول ، کتاب الجھاد ، ص ٣٩٥

{مجلس برکات}

ھکذا فی الصحیح المسلم ، المجلدالثانی ، کتاب الامارة ، ص ١٣٤

{مجلس برکات}

مذکورہ روایت کتب ستہ و دیگر احادیث کی اکثر کتب میں موجود ہے 

وااللّٰه و رسولہ اعلم

کتبــــــــــــــــــــــــــہ

عبیــــــداللّٰه حنفـــــــی بریـلوی مقـــام دھـــونرہ ٹانڈہ ضـــــلع بریلی شــریف {یوپی}

٢٧ذی الحجہ ٣٤٤١؁ھ بروزبدھ