حالت نماز میں سلام و کلام کرنا کیسا

سوال نمبر 128

السلام علیکم و رحمۃ اللہ برکاتہ 

کیا فرماتے ہیں علماء دین و مفتیان شرع متین اس مسئلے کے بارے میں کہ حالت نماز میں سلام کرنا یا سلام کا جواب دینا کیسا ہے تسلی بخش جواب عنایت فرمائیں مہربانی ہوگی 

سائل : واجد علی فیضی سدھارتھنگری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وعلیکم السلام و رحمة اللہ و برکاتہ 

 جواب نماز کی حالت میں کسی کو سلام سلام کیا یا کسی کے سلام کا جواب دیا یعنی " السلام علیکم " یا " وعلیکم السلام " کہا یا صرف " سلام " ہی کہا یا سلام کی نیت سے مصافحہ کیا تو نماز فاسد ہوگئی جیسا کہ فتاوی عالمگیری میں ہے کہ " ولو سلم على رجل تفسد مطلقا كذا فى شرح ابى المكارم ، ولو أراد ان يسلم على انسان ساهيا فلما قال السلام تذكر انه لا ينبغى له ان يسلم وهو فى الصلوة فسكت تفسد صلاته كذا فى المحيط ولو مصافح بنية السلام تفسد صلاته لانه كلام معنى ولا يرد بالاشارة ولو أشار يريد به رد السلام " اھ ( فتاوی عالمگیری ج 1 ص 98 : کتاب الصلوۃ ، الباب السابع فیھما یفسد الصلوة وما یکرہ فیھا ) اور بہار شریعت میں ہے کہ " کسی شخص کو سلام کیا عمدا ہو یا سہوا نماز فاسد ہوگئی اگرچہ بھول کر السلام کہا تھا کہ یاد آیا سلام کرنا نہ چاہئے اور سکوت کیا ، زبان سے سلام کا جواب دینا بھی نماز کو فاسد کرتا ہے اور ہاتھ کے اشارے سے دیا تو مکروہ ہوئی سلام کی نیت سے مصافحہ کرنا بھی نماز کو فاسد کردیتا ہے " اھ ( بہار شریعت ج 1 ص 605 / 604 ) 

واللہ اعلم بالصواب

 کریم اللہ رضوی