مؤذن کان میں انگلی کیوں ڈالتا ہے ؟

سوال نمبر 151

اَلسَلامُ عَلَيْكُم وَرَحْمَةُ اَللهِ وَ بَرَكاتُهُ‎ 

 کیافرماتے ھیں علماۓ کرام و مفتیان عظام مٶذن اذان دیتے وقت اپنے ہاتھ کے انگلیوں کو کانوں سے کیوں لگا رکھتے ھیں شرعی ثبوت مع حوالہ عطافرماٸیں ۔

 المستفتی : محمد رجب علی قادری فیضی اترولوی ۔شب برأت شب یکشنبہ١٤٤٠ھ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وعلیکم السلام و رحمة اللہ و برکاتہ

 جواب مطلقا اذان کے وقت کانوں میں انگلیاں ڈالنا اور حی علی الصلوة و حی علی الفلاح کہتے وقت دائیں بائیں منہ پھیرنا مستحب ہےکیونکہ کان جب بند ہوتے ہیں تو آدمی سمجھتا ہے کہ ابھی آواز پوری نہ ہوئی اور زیادہ بلند کرتا ہے جیسا کہ حدیث میں ہے کہ " عن طریق عمار بن سعد أن رسول الله صلی الله علیہ وسلم أمر بلالاً أن یجعل إصبعیه في أذنیه وقال : إنه أرفع لصوتک " اھ ( سنن ابن ماجة : أبواب الأذان و السنة فیها / باب السنة فی  الأذان ج 1 ص 52 رقم : 710 دار الفکر بیروت ) و منها أن یجعل إصبعیه فى أذنیه وإن لم یفعل أجزأہ لحصول أصل الأعلام بدونه " اھ (بدائع الصنائع : ج 1 ص 373 ) و یجعل ندبا إصبعیه  في صماخ أذنیه فأذنه بدونه حسن " اھ ( درمختار مع الشامی ج 2 ص 52 زکریا ) اور بہار شریعت میں ہے کہ " اذان کہتے وقت کانوں کے سوراخ میں انگلیاں ڈالے رہنا مستحب ہے اور اگر دونوں ہاتھ کانوں پر رکھ لئے تو بھی اچھا ہے اور اول احسن ہے کہ ارشاد حدیث کے مطابق ہے اور بلندی آواز میں زیادہ معین ۔ کان جب بند ہوتے ہیں آدمی سمجھتا ہے کہ ابھی آواز پوری نہ ہوئی زیادہ بلند کرتا ہے " اھ ( بہار شریعت ج 1 ص 470 : اذان کا بیان )  

واللہ اعلم بالصواب 

کتبہ 

کریم اللہ رضوی