کیا عورت میکے میں نماز قصر کرے گی

سوال نمبر 220

 السلام علیکم ورحمۃ اللہ تعالیٰ وبرکاتہ

سوال کیا فرماتے ہیں علامہ دین مفتان شرح متین مسئلہ ذیل میں کی لڑکی کی شادی کے بعد وہ اپنے مائکے آئی جو ١٠٠ سو کلومیٹر دور ہے یہاں اس پر نماز قصر ہوگی یا پوری اگر وہ پندرہ دن سے کم روکتی ہے جواب دیکر اللہ تعالیٰ کی بارگاہ میں اجر عظیم کے مستحق ہوں.

سائل فقیر قادری محمد مشیر خان رضوی ساکن فیروزآباد یو پی انڈیا

---

وعلیکم السلام ورحمتہ اللہ وبرکاتہ

 بسم اللہ الرحمن الرحیم

 الجواب بعون الملک الوہاب ھوالھادی الی الصواب صورت مسئولہ میں عرض ہے کہ اگر عورت شادی کے بعد مکمل طریقے سے سسرال رہنے لگی تو میکے آنے کے بعد وہ نماز قصر ادا کرے گی جب تک پندرہ دن ٹھہرنے کی نیت نہ کرلے اور اگر سسرال مکمل طریقے سے نہیں رہتی تھی عارضی طور پر جاتی تھی تو میکے آنے کے بعد پوری نماز پڑھے گی جیسا کہ علامہ صدرالشریعہ علیہ الرحمہ تحریر فرماتے ہیں عورت بیاہ کر سسرال گئی اور یہیں رہنے سہنے لگے تو میکا اس کے ليے وطن اصلی نہ رہا یعنی اگر سسرال تین منزل پر ہے وہاں سے میکے آئی اور پندرہ دن ٹھہرنے کی نیت نہ کی تو قصر پڑھے اور اگر میکے رہنا نہیں چھوڑا بلکہ سسرال عارضی طور پر گئی تو میکے آتے ہی سفر ختم ہوگیا نماز پوری پڑھے۔ (بہار شریعت ح۴) واللہ اعلم بالصواب 

کتبتہ

الفقیر تاج محمد حنفی قادی واحدی اترولوی