تنـہا نـمـاز پـڑھـنے والاتکبیرپـڑھے گـا یا نـہیـں

سوال نمبر 291

السلام علیکم ورحمۃ اللہ

 اگر کوئی  شخص فرض نماز. تنہا. ادا کرے   تو کیا اس کے لئے. تکبیر کہنا. ضروری ہے؟

 سائل:محمد.  مبارک حسین

---

وعلیکم السلام ورحمۃ اللہ وبرکاتہ

 الجواب بعون الملک الوہاب

صورت مسؤلہ میں جواب یہ ہے کہ مسجد محلہ میں نماز ہوجانے کے بعد اگر کوئی اکیلا نماز پڑھتا ہے تو اسے آذان و اقامت کہنا مکروہ ہے اور مقیم اگر شہر میں اپنے گھر میں نماز ادا کرے تو آذان اقامت دونوں چھوڑنا جائز ہے کہ مسجد محلہ کی آذان اقامت اس کے لئے کافی ہے مگر یہ حکم اس جگہ کے لئے ہے جہاں محلہ کی مسجد میں آذان اقامت ہوتی ہے اور جہاں مسجد ہی نہ ہو یا مسجد تو ہو مگر اس میں آذان اقامت نہ ہوتی ہو تو اس جگہ اپنے گھر نماز پڑھنے والے کو آذان اقامت دونوں چھوڑنا یا صرف آذان پر اکتفا کرنا مکروہ ہے البتہ صرف اقامت پر اکتفا کرنا جائز ہے ۔۔

فتاوٰی فقیہ ملت جلد اول ص 93

واللہ تعالیٰ اعلم بالصواب

کتبہ

محــــمد معصــوم رضا نوری (الھند)