سوال نمبر 343
السلام علیکم و رحمۃ اللہ و برکاتہ
قربانی کا بکرا چھت سے نیچے لانے میں زینے پر پیر پھسل گیا جس کی وجہ سے پیر ٹوٹ گیا تو کیا قربانی کر سکتے ہیں
جب کہ قربانی کرنے کے لئے ہی لارہے تھے
سائل عبدالرؤف نظامی
وعلیکم السلام ورحمتہ اللہ وبر کاتہ
الجواب بعون الملک الوھاب اللھم ھدایتہ الحق والصواب
فقہ حنفی کی مشہور مستند کتاب بھار شریعت میں درمختار وردالمحتار کے حوالہ سے ہے کہ
فقہ حنفی کی مشہور مستند کتاب بھار شریعت میں درمختار وردالمحتار کے حوالہ سے ہے کہ
قربانی کرتے وقت جانور اچھلا کودا جس کی وجہ سے عیب پیدا ہوگیا یہ عیب مضر نہیں یعنی قربانی ہو جائے گی اور اچھلنے کودنے سے عیب پیدا ہو گیا اور وہ چھوٹ کر بھاگ گیا اور فوراً پکڑ لایا گیا اور ذبح کر دیا گیا جب بھی قربانی ہو جائے گی،،،،
بھار شریعت حصہ پانزدھم صفحہ 342 عبارت مذکورہ سے معلوم ہوا کہ جب اس جانور کو قربانی کرنے کے لئے ہی لے جا رہے تھے اور پیر ٹوٹ گیا تو اگر چہ یہ عیب ہے اگر اسی وقت ذبح کر دیا گیا تو قربانی ہو جائے گی
واللہ تعالی ورسولہ اعلم بالصواب
کتبہ
محـمد علی قادری واحدی
0 تبصرے