مشروم کھانا کیسا

سوال نمبر 453

السلام عليكم و رحمۃ اللہ و برکاتہ

کیا فرماتے ہیں علمائے دین و مفتیان کرام مسئلے ذیل میں کہ مشروم کی سبزی کھانا کیسا ھے؟

المستفتی : نور الھدی نوری 

---

وعلیکم السلام و رحمة اللہ و برکاتہ 

جواب

 مشروم جسے عربی میں " الکمأة " اردو و فارسی میں " مشروم " اور ہماری یہاں " (کُوکُر متّا) یا (بھوپھور) کہتے ہیں یہ چھتری نما نبات جو برسات میں اگتی ہے اور اس کا کھانا  شرعاً جائز ہے "  لعدم مانع الشرعى " مانع شرعی کے نہ ہونے کی وجہ سے ، اور اصل اشیاء میں اباحت ہے جیسا کہ قواعد فقیہ میں ہے کہ " الاصل فى الأشياء إباحة " اھ

( قواعد فقیہ ص 58 ) اور حدیث شریف میں ہے کہ اس کے طبی فائدہ بھی بیان کیا گیا ہے کہ اس کا عرق آنکھ کے لئے مفید ہے              

     حدیث:--

 قال رسول الله صلى الله تعالى عليه وسلم الكمأة من المن و ماءها شفاء للعين " اھ ( مشكوة المصابيح ، کتاب الطب الفصل الثالث )

لہذا اس کے کھانے میں شرعاً کوئی قباحت نہیں ۔ 

واللہ اعلم بالصواب 

کتبہ

کریم اللہ رضوی 

خادم التدریس دار العلوم مخدومیہ اوشیورہ برج جوگیشوری ممبئی 

موبائل نمبر 7666456313