سوال نمبر 457
السلام علیکم و رحمۃ اللہ و برکاتہ
سوال کیا آب زم زم اور وضو کا بچا ہوا پانی کھڑے ہوکر پینا درست ہے اگر درست ہے تو کہاں سے ثابت ہے مدلل جواب عنایت فرمائیں کرم ہوگا
محمد وسیم القادری اترولہ
وعلیکم السلام ور رحمة الله وبركاته
الجواب بعون الملک الوہاب
آب زمزم کھڑے ہوکر پینا سر کار دو عالم صلی اللہ علیہ وسلم سے ثابت ہونے کی بنا پر ہے
حضرت عباس رضی اللہ عنہ سے روایت ہے کہ میں نے رسول اللہ صلی اللہ علیہ و سلم کو زمزم کا پانی پلایا تو آپ نے اسے نوش فرمایا جبکہ آپ کھڑے ہوئے تھے
بحوالہ صحیح بخاری شریف کتاب الحج باب ما جاء فی زمزم حدیث 1637
صحیح المسلم کتاب الاشربہ باب فی الشرب فی زمزم قائما ح2027
آب زمزم کھڑے ہوکر پینا اسکے اظہار عظمت کی خاطر ہے
جیسے وضو کے مابقی ( بچا ہوا پانی) کو بھی اظہار عظمت کی خاطر کھڑا ہو کر پینا آداب وضو میں سے ہے
وان یشرب من فضل الوضو قائما
نورالایضاح
آب زمزم و وضو کا بچا ہوا پانی شفاء دیتا ہے اس لئے سب پانیوں سے ممتاز کرنے کے لئیے کھڑے ہوکر پینا زیادہ موزوں ہے
والله اعلم باالصواب
کتبـہ
محــــمد معصــوم رضا نوری مقیم حال منگلور کرناٹکا الھند
۲۷محرم الحرام ١٤٤١ھ بروز جمعہ مبارکہ
+918052167976
0 تبصرے