کوئی موجود نہ ہو تو کیا شوہر اپنی مردہ بیوی کو غسل دے سکتا ہے؟

سوال نمبر 550

السلام علیکم ورحمتہ اللہ وبرکاتہ

کیا جب کوئی دوسرا شخص موجود نہ ہو تو شوہر اپنی مردہ بیوی کو غسل دے سکتا ہے 

بحوالہ جواب عنایت فرمائیں

---

وعلیکم السلام ورحمۃاللہ وبرکاتہ

الجواب بعون الملک الوھاب  مرد اپنی مردہ بیوی کو غسل نہیں دے سکتا اگر دوسرا شخص موجود نہ ہو بلکہ وہ اپنی بیوی کو تیمم کراۓ گا جیسا کہ  صدر الشریعہ علامہ امجد علی اعظمی علیہ الرحمہ بہار شریعت میں تحریر فرماتے ہیں کہ عورت کا انتقال ہوا اور وہاں کوئی عورت نہیں کہ نہلا دے تو تیمم کرایا جائے پھر تیمم کرنے والا محرم ہو تو ہاتھ سے تیمم کراۓ اور اجنبی ہو اگرچہ شوہر ہو تو ہاتھ پر کپڑا لپیٹ کر جس زمین پر ہاتھ مارے اور تیمم کراۓ اور شوہر کے سواء کوئی اور اجنبی ہو تو کلائیوں کی طرف نظر نہ کرے اور شوہر کو اس کی حاجت نہیں(یعنی شوہر اپنی مردہ بیوی کے کلائیوں کی طرف نظر کر سکتا ھے) اور اس مسئلہ میں جوان بڑھیا دونوں کا ایک حکم ہے بحوالہ درمختار و عالمگیری ۔

بہار شریعت حصہ چہارم صفہ 135 

اس سے معلوم ہوا کہ مرد اپنی مردہ بیوی کو غسل نہیں دے سکتا ہے بلکہ تیمم کرا سکتا ھے

سبحانہ تعالیٰ وھو اعلم بالصواب 

       کتبہ

العبد الفقیر محمد عمران قادری تنویری

دارالعلوم اہلسنت محی الاسلام بتھریا کلاں ڈومریا گنج سدھارتھ نگر یو  پی