کیا یہ حدیث ہے، جس کا میں مولیٰ اس کا علی مولیٰ

سوال نمبر 629

السلام وعلیکم ورحمتہ اللہ و برکاتہ

بعد سلام عرض خدمت یہ ہے کہ کیا یہ حدیث شریف ہے کہ جس کا میں مولیٰ اس کا علی مولیٰ 

اور اس حدیث شریف کی وضاحت فرمائیں 

سائل:-- محمد شعبان رضا نیپال گنج

---

وعلیکم السلام ور حمة الله وبركاته 

الجواب اللھم ہدایةالحق والصواب

 بلا شک و  شبہ یہ حدیث شریف ہے اور یہ صحیح حدیث ہے اس پر امت کا اجماع ہے 

اور اس حدیث کو متعدد راویوں نے روایت بھی کی ہے 

 قال النبی صلی الله علیہ وسلم

من کنت مولاہ فعلی مولاہ

حضور نبئ کریم رؤف الرحیم ﷺ نے ارشاد فرمایا میں جس کا مولا ہوں علی اس کا مولا ہے 

عام کتب احادیث 

حضرت علامہ جلال الدین سیوطی علیہ الرحمة والرضوان تحریر فرماتے ہیں 

ترمزی نے ابو سریحہ نور  زید بن ارقم رضی الله تعالیٰ عنہ سے روایت کی ہے  کہ رسول الله  ﷺ نے ارشاد فرمایا کہ جس کا میں صاحب (مولا) ہوں علی (رضی الله عنہ) بھی اس کے صاحب (مولا) ہیں  

اس حدیث کو احمد اور  طبرانی نے بھی لکھا ہے ) بعض راویوں کا کہنا ہے کہ رسول الله ﷺ نے یہ بھی فرمایا کہ الہی جو شخص حضرت علی رضی الله  عنہ ) سے محبت کر تا ہے تو بھی اس سے محبت رکھ اور جو علی رضی الله  عنہ) سے عداوت  رکھے تو بھی اس سے عداوت  رکھ ) 

احمد رضی الله عنہ نے ابو الطفیل  سے روایت کی ہے  ایک بار حضرت علی رضی الله عنہ) نے ایک  وسیع مقام پر  لوگوں کو جمع کرکے فرمایا کہ میں تم سے قسم دے کر پوچھتا ہوں  کہ بتاؤ رسول الله ﷺ نے  یوم غدیر خم کے موقع پر   میری نسبت کیا ارشاد  فرمایا تھا؟_  اس مجمع سے تیس آدمی کھڑے ہوئے اور انھوں نے کہا کہ ہم گواہی دیتے ہیں کہ ہمارے سامنے حضرت رسالت مآب صلی الله تعالیٰ علیہ وسلم نے ارشاد فرمایا تھا میں جس کا مولا ہوں علی ( رضی الله عنہ) بھی اس کے مولا ہیں الہی! (علی رضی الله عنہ) سے جو محبت رکھے تو بھی اس سے محبت رکھنا اورجو علی ( رضی الله عنہ) سے  بغض  رکھے تو بھی اس سے دشمنی رکھنا" اھ

تاریخ الخلفاء مترجم صفحہ 365

مطبوعہ: یوسف مارکیٹ غزنی اسٹریٹ اردو بازار لاہور 

والله ورسولہ اعلم باالصواب 

کتبــــــــہ

محــــمد معصــوم رضا نوری

منگلور کرناٹک انڈیا

۱۵ ربیع الآخر ۱۴۴۱ھ بروز جمعہ مبارکہ

 13/12/2019

 +918052167976