تشہد میں لفظ، لا، پر انگلی کس طرح سے اٹھائے؟

سوال نمبر 734

السلام علیکم ورحمۃ اللہ وبرکاتہ

 حضرت سوال یہ ہے کہ تشہد میں کلمہ کی انگلی اٹھانے کے بعد ساری انگلی بچھانا ضروری ہے یا نہیں جواب عنایت فرمائیں ‌محمد انتخاب چشتی

---

وعلیکم السلام ورحمتہ اللہ وبرکاتہ

الجواب جس طرح بوقت تشہد انگلیوں کاحلقہ بنانا سنت ہے اسی طرح بعد تشہد انگلیوں کو بچھانا سنت ہے جیساکہ بہار شریعت میں علامہ مفتی الحاج امجد علی علیہ الرحمہ تحریر فرماتے ہیں
 شہادت پر کلمہ کی انگلی سے اشارہ کرنا اور وہ اس طرح کی چھگلیااور اسکے پاس والی کو بند کر لے بیچ والی اور انگوٹھے کاحلقہ باندھے لا پر کلمہ کی انگلی اٹھائے الا پر رکھ دے سب انگلیاں بچھا دے ابوداؤد نسائی بہارشریعت ح سوم ص 530)

اور اسی طرح علامہ طحطاوی حاشیہ طحطاوی علی مراقی الفلاح میں فرماتے ہیں

العقدوقت التشهدفقط فلايعقد قبل ولابعدو عليه الفتوي 

یعنی انگلیوں کا حلقہ بوقت تشہد بنائے نہ اس سے پہلے نہ اسکے بعد بنائے رکھے اور اسی پر فتویٰ ہے 

(حاشیہ طحطاوی علی مراقی الفلاح کتاب الصلاة ص 270)

واللہ اعلم

      کتبہ

 فقیرابوالثاقب محمد جوادالقادری واحدی انصاری روسوی ثم لکھیم پوری