مرید ہونا کیا ہے سنت یا مستحب یا واجب؟

سوال نمبر 750

السلام علیکم ورحمتہ اللہ وبرکاتہ

 کیا فرماتے ہیں علمائے کرام مرید ہونا کیا ہے سنت ہے یا مستحب ہے یا واجب ہے جواب عنایت فرمائیں عین نوازش ہوگی سایل محمد عباس اشرفی کچھوچھہ شریف

---

وعلیکم السلام ورحمتہ اللہ وبرکاتہ 

الجــواب بعون الملك الوھاب

بیعت ہونا یعنی مرید ہونا سنت ہے حضور سیدی سرکار تاج الشریعہ مفتی اختر رضا خان علیہ الرحمہ تحریر فرماتے ہیں کہ پیری مریدی اللّٰہ ورسول جل وعلا وصلی اللّٰہ تعالیٰ علیہ وسلم کی طاعت اور دین پر استقامت کا عہد ہے جو مریدشرعی پیر سے کرتا ہے اور یہ سنت قدیمہ مستمرہ ہے۔

جو سرکار ابد قرار علیہ الصلاۃ والسلام کے زمانہ سے چلی آرہی ہے۔

قال الله تعالى ان الذين يبايعونك انما يبايعون الله يد الله فوق أيديهم

یعنی جو لوگ تم سے اے محبوب اس پیڑ کے نیچے بیعت کر رہے ہیں بے شک وہ اللّٰہ تعالٰی سے بیعت کر رہے ہیں ان کے ہاتھوں پر اللّٰہ تعالیٰ کا دست قدرت ہے

{فتاوی تاج الشریعہ جلد دوم۔ صفحہ نمبر 16}

کتاب العقائد۔

واللہ اعلم باالصواب

محمد الطاف حسین قادری خادم التدریس دارالعلوم غوث الورٰی ڈانگا لکھیم پور کھیری یوپی الھند

 موبائل فون نمبر 9454675382