سرکار جب معراج پر گئے تو عمر مبارکہ کتنی تھی و تاریخ کیا تھی؟

سوال نمبر 760

السلام علیکم ورحمتہ اللہ وبرکاتہ

علماۓ کرام کی بارگاہ میں گذارش ہےکہ جب حضور صلی اللہ علیہ وسلم کو معراج ہوئی تو آپ  کی عمر شریف کتنی تھی عیسوی تاریخ اور سنہ کتنی تھی حوالہ کے ساتھ جواب عنایت فرمائیں مہربانی

 سائل شمیم بلرامپوری

---

وعلیکم السلام ورحمة الله وبركاته

الجواب بعون الملک الوہاب

  حضور نبئ اکرم صلی اللہ علیہ وسلم جب سفر معراج پر تشریف لے گئے اس وقت آپ کی ظاہری عمر شریف ”اکاون برس پانچ ماہ تھی“

[ جیساکہ حضور حکیم الامت حضرت علامہ مفتی احمد یار خان نعیمی علیہ الرحمہ تحریر فرماتے ہیں کہ:

معراج  (اعلان )  نبوت کے گیارہ برس پانچ ماہ کے بعد 27 رجب کی آخری شب سوموار کی

 رات کو حضرت ام ہانی بنت ابی طالب کے گھر سے ہوئی،

(شان حبیب الرحمن صفحہ نمبر 118)

[مکتبہ اسلامیہ اردو بازار لاہور]

 واضح رہے کہ  حضور صلی اللہ علیہ وسلم کی ولادت 571ء کو ہوئی اور حضور صلی اللہ علیہ وسلم نے  اپنی ظاہری عمر شریف کے چالیسویں سال اپنی نبوت کا اعلان فرمایا  ۔ اور اعلان نبوت کے گیارہ برس پانچ ماہ کے بعد سفر معراج پیش آیا اس لحاظ سے سنہ 621ء تھی البتہ تاریخ میں اختلاف ہے کیوں کہ ولادت کی ہی تاریخ میں اختلاف ہے  _ 

واللہ ورسولہ اعلم باالصواب

کتبــــــــــــــــــــــــــہ 

محمـــد معصـوم رضا نوری عفی عنہ

منگلور کرناٹک انڈیا

۲۸رجب المرجب ١٤٤١؁ھ_

+918052167976