فرض نماز کے تیسری اور چوتھی رکعت میں کچھ نہیں پڑھا تو نماز کا کیا حکم ہے؟

سوال نمبر 917

السلام علیکم ورحمۃ اللہ وبرکاتہ

 علمائے کرام کی بارگاہ میں عرض ہے اگر چار رکعت والی فرض نماز ہے اور اسکے آخر کی تیسری اور چوتھی رکعت میں کچھ نہیں پڑھا صرف تین مرتبہ سبحان ربی الاعلی کہنے کی مقدار کھڑا رہا تو کیا نماز ہو جائے گی

محمد احمد رضا

---

وعلیکم السلام ورحمتہ اللہ وبرکاتہ

الجواب بعون الملک الوھاب

صورت مسئولہ میں نماز ہو جائےگی کہ فرض کے تیسری چوتھی رکعت میں سورۂ فاتحہ پڑھنا افضل ہے لازم نہیں البتہ  بالکل خاموش نہ کھڑے رہنا چاہئے بلکہ بقدر تعدیل ارکان کم ازکم تین بار سبحان اللہ ہی پڑھ لینا چاہیےجیساکہ حضور صدرالشریعہ علیہ الرحمۃ والرضوان تحریر فرماتے ہیں کہ"نماز فرض کی تیسری اور چوتھی رکعت میں افضل سورۂ فاتحہ پڑھنا ہے اور سبحان اللہ کہنا بھی جائز ہے اور بقدر تین تسبیح کے چپ کھڑا رہا،توبھی نماز ہو جائے گی،مگر سکوت نہ چاہئے۔(درمختار)بہار شریعت حصہ سوم موبائل سافٹ وئیر صفحہ٥٣٣واللہ تعالیٰ اعلم بالصواب

کتبہ 

محمد ابراہیم خان امجدی قادری رضوی

١٥رمضان المبارک ١٤٤١ھ