سوال نمبر 919
السلام علیکم ورحمتہ اللہ وبرکاتہ
علماء کی بارگاہ میں عرض ہے روزے کی حالت مسواک کرتے وقت خون آجائے تو روزہ ٹوٹ جائے گا اگر خون کا ایک قطرہ حلق کے نیچے اترگیا تو روزہ ہوگا یا نہیں
محمد مشرف رضا رضوی پورنوی بہار
وعلیکم السلام ورحمة الله وبركاته
الجواب بعون الملک الوھاب
حالت روزہ میں اگر مسواک کرتے وقت خون آگیا تو اس وقت تک روزہ نہیں ٹوٹے گا جب تک خون حلق سے نیچے نہ اترے یا خون کا مزہ حلق میں محسوس نہ ہو جیسا کہ کتب فقہ میں ہے؛دانتوں سے خون نکل کر حلق سے نیچے اترا اور خون تھوک سے زیادہ تھا یا کم تھا مگر اس کا مزہ حلق میں محسوس ہوا تو ان سب صورتوں میں روزہ ٹوٹ گیا اور اگر کم تھا اور مزہ بھی محسوس نہ ہوا تو روزہ نہیں ٹوٹا (درمختار جلد دوم صفحہ 367 368 کتاب الصوم باب مایفسد الصوم وما لا یفسدہ) یہی حکم پائیریا کی بیماری میں مسوڑھوں سے نکلنے والے خون اور پیپ کا ہے (بحوالہ روزہ کے ضروری مسائل صفحہ 46)مطبع اہلسنت و جماعت سینٹر پونے۔واللہ تعالی اعلم بالصواب
کتبـہ
محمـــد معصـوم رضا نوری عفی عنہ منگلور کرناٹک انڈیا
۱۶/ رمضان المبارک ۱۴۴۱ہجری
۱۰/ مئی ۲۰۲۰عیسوی بروز اتوار
0 تبصرے