جل کر، یا ڈوب کر مر جائے، تو سوالات قبر کہاں ہوتا ہے؟

سوال نمبر 929

السلام علیکم ورحمتہ اللہ وبرکاتہ 

کیا فرماتے ہیں علمائے کرام اس مسئلے میں کہ جو لوگ جل کر یا یا سمندر میں ڈوب کر مر جاتے ہیں اور انہیں سپرد خاک نہیں کیا جاتا تو اُن سے سوالات قبر  کس طرح سے ہونگے جواب عنایت فرمائیں

سائل نصیب علی یوپی الہند

---

 وعلیکم السلام ورحمة الله وبركاته

الجواب بعون الملک الوھاب

مردہ جل کر یا سمندر میں ڈوب کر  خواہ کسی بھی طرح مر جائے گرچہ اسے سپرد خاک نہ کیا جائے  اس سے اسی حال میں عام مردہ کی طرح   سوالات ہوں گے اور اسے وہیں ثواب یا عذاب پہونچے گا ؛ جیسا کہ بہار شریعت میں ہے   مردہ اگر قبر میں دفن نہ کیا جائے تو جہاں پڑا رہ گیا یا پھینک دیا گیا، غرض کہیں ہو اُس سے وہیں   سوالات ہوں گے اور وہیں   ثواب یا عذاب اُسے پہنچے گا، یہاں   تک کہ جسے شیر کھا گیا تو شیر کے پیٹ میں   سوال، و ثواب و عذاب جو کچھ ہو پہنچے گا۔ 

الحدیقۃ الندیۃ‘‘، ج۱، ص۲۶۶۔۲۶۷: (وعذ اب القبر) (بحوالہ بہار شریعت حصہ اول عالم برزخ کا بیان ) واللہ تعالی اعلم بالصواب

       کتبــــــــــــہ

محمـــد معصـوم رضا نوری عفی عنہ منگلور کرناٹک انڈیا

 ۱۷/ رمضان المبارک ۱۴۴۱ہجری

 ۱۱/ مئی  ۲۰۲۰عیسوی  بروز سوموار