تکبیر مصلی کے کس جانب کہیں؟

سوال نمبر 942

السلام علیکم ورحمة اللہ وبرکاتہ 

علمائے کرام کی بارگاہ میں ایک سوال ہے

کہ نماز کے لیے جو تکبیر کہی جاتی ہے وہ امام کے کس جانب کھڑے ہوکر

 پڑھنا چاہیے

سائل  شاھد رضا پیلی بھیتی

---

وعلیکم السلام ورحمتہ اللہ وبرکاتہ

الجواب اللھم ھدایۃ الحق والصواب

اقامت امام کے پیچھے داہنی طرف سے پڑھنا زیادہ بہتر ہے آج کل یہ ضروری خیال کیا جاتا ہے کہ اقامت یا تکبیر جو جماعت قائم کرنے سے قبل مؤذن لوگ پڑھتے ہیں اس میں پڑھنے والا امام کے پیچھے یا داہنی طرف ہو یا بائیں طرف ہو اور بائیں جانب کھڑے ہو کر تکبیر پڑھنے کو ممنوع خیال کرتے ہیں حالانکہ تکبیر بائیں طرف سے پڑھنا بھی منع نہیں ہے۔ سیدی سرکار اعلٰی حضرت امام احمد رضا محدث بریلوی علیہ الرحمہ فرماتے ہیں اور اقامت کی نسبت بھی تعین جہت کہ داہنی طرف ہو یا بائیں طرف فقیر کی نظر سے نہ گزری ہاں اس قدر کہہ سکتے ہیں کہ محاذات امام پھر جانب راست مناسب تر ہے

(فتاوی رضویہ جلد دوم صفحہ نمبر 465)

 خلاصہ یہ کہ امام کے پیچھے یا داہنی طرف سے پڑھنا زیادہ بہتر ہے لیکن بائیں طرف سے پڑھنا بھی جائز ہے اور اس سے نماز میں کوئی کمی نہیں آتی اور داہنی طرف کو ضروری خیال کرنا غلط فہمی ہے

غلط فہمیاں اور ان کی اصلاح

 صفحہ نمبر/ 33/ 34

واللہ اعلم بـاالـــــــصـــــــــواب

      کـــــــــتـــــــــبہ

 محمد تـــســــــلــــــیـــم رضا نوری