غیر مسلمہ لڑکی سے شادی کرنا و طلاق دینا کیسا ہے؟

سوال نمبر 971

السلام علیکم ورحمۃ اللہ وبرکاتہ

کیا فرماتے ہیں علماء کرام ومفتیان مسئلہ ذیل میں کہ ایک شخص کا  ایک ہندو لڑکی کے ساتھ  شادی ہوئی تھی اور کچھ دن بعد طلاق ہو گیا ہے طلاق ہوۓ  دو مہینے ہو گیا ہے اب وہ دونوں دوبارہ شادی کرنا چاہتے ہیں تو دونوں کے لیے کیا  حکم ہے اور کب شادی کر سکتے ہیں 

شریعت کے مطابق مدلل جواب عنایت فرمائیں

سائل محمدرضا بلیا

---

        باسمہ تعالی جل جلالہ

 وعلیکم السلام ورحمۃاللہ وبرکاتہ

الجواب بعون الملک الوھاب

اگر لڑکی مشرف باسلام ہوئی تھی اس کے بعد نکاح کی تھی تو اس کے شوہر نے طلاق دیا تو طلاق واقع ہو جائے گی ایک طلاق رجعی دیا تو عدت کے اندر رجعت کر سکتا ہے اور اگر دو طلاق رجعی دیا تو عدت کے اندر رجعت کر سکتا ہے مثلا شوہر کہ دے یہ میری بیوی ہے یا میاں بیوی جیسا برتاو کر لے تو وہ پہلے کی طرح وہ اس کی بیوی رہے گی نکاح کی ضرورت نہیں رب کا ارشاد اَلطَّلَاقُ مَرَّتٰنِ۪-فَاِمْسَاكٌۢ بِمَعْرُوْفٍ اَوْ تَسْرِیْحٌۢ بِاِحْسَانٍؕ

اور اگر تین طلاق دیا تو بغیر حلالہ کے دوبارہ اس کے نکاح میں نہیں آۓ گی فَاِنْ طَلَّقَهَا فَلَا تَحِلُّ لَهٗ مِنْۢ بَعْدُ حَتّٰى تَنْكِحَ زَوْجًا غَیْرَهٗؕ سورہ بقرہ آیت ٢٢٨/٢٣٠

اور اگر لڑکی سے بغیر کلمہ پڑھاۓ کا نکاح کیا تھا تو وہ نکاح صحیح نہیں ہوا اب اس لڑکی کو کلمہ پڑھاۓ اور اور مذہب اسلام کے احکام کے مطابق زندگی گزارنے کی عہد کرے پھر اس سے نکاح کرنا جائز ہے ھکذا فتاوی فیض الرسول جلد اول صفحہ ٦٠٨

واللہ تعالیٰ اعلم بالصواب

العبد محمد عمران القادری التنویری غفرلہ

٢٣ ذی القعدہ ١٤٤١ * ١٥ جولائی ٢٠٢٠