مردار کافر کو دینا کیسا ہے؟

سوال نمبر 1026

السلام علیکم ورحمتہ اللہ وبرکاتہ

کیا فرماتے ہیں علمائے دین کہ مردار کھانا حرام ہے لیکن اسے کافر کو بیچنا یا ایسے دینا کیسا ہے کچھ لوگ کہتے ہیں کہ مردار کھانا حرام ہے تو اس کو بیچنا جائز نہیں اس کا رقم لینا بھی جائز نہیں مدلل جواب عنایت فرمائیں

سائل رضوان احمد قادری نیپال

---

وعلیکم السلام ورحمتہ اللہ وبرکاتہ

الجواب بعون الملک الوہاب

مردار کافر کو بیچناجائز ہے

حضور صدرالشریعہ علیہ الرحمہ فرماتے ہیں

عقد فاسد کے ذریعہ سے کافر حربی کا مال حاصل کرنا ممنوع نہیں یعنی جو عقد مابین دو مسلمان ممنوع ہے اگرحربی کے ساتھ کیا جائے تو منع نہیں مگر شرط یہ ہے کہ وہ عقد مسلم کے لئے مفید ہو مثلاً ایک روپیہ کے بدلے دو روپیے خریدے یا اس کے ہاتھ مردار کو بیچ ڈالا کہ اس طریقہ سے مسلمان کا روپیہ حاصل کرنا شرع کے خلاف اور حرام ہے اور کافر سے حاصل کرنا جائز ہے 

ہندوستان اگرچہ دارالاسلام ہے اس کو دارالحرب کہنا صحیح نہیں ۔

مگر یہاں کے کفار یقیناً نہ ذمی ہیں ۔نہ مستامن کیونکہ ذمی یا مستامن کے لئے بادشاہ اسلام ذمہ کرنا اور امن دینا ضروری ہے

لہٰذا ان کفار کے اموال عقود فاسدہ کے ذریعہ حاصل کئے جا سکتے ہیں

جبکہ بدعہدی نہ ہو۔

بہارشریعت جلددوم حصہ یازدہم گیارہواں صفحہ نمبر/775/776

واللہ اعلم بالصواب

            کتبہ 

محمد الطاف حسین قادری عفی عنہ

خادم التدریس دارالعلوم غوث الوری ڈانگالکھیم پورکھیری یوپی

الجواب صحیح فقط

 تاج محمدواحدی ارشدی اترولوی