مرتے وقت کلمہ کفر نکل گیا تو کیا حکم ہے؟

سوال نمبر 1096

السلام علیکم ورحمتہ اللہ وبرکاتہ

کیا فرماتے ہیں علمائے کرام اس مسئلہ کے بارے میں کہ زید کے زبان سے وقت نزع کلمہ کفر نکل گیا اور وہ رب تعالٰی کا انکار کر گیا تو زید پر کیا حکم ہے 

نیز اس کی نماز جنازہ ایصال ثواب وغیرہ کرنا کیسا ہے 

المستفتی فیصل ربانی گونڈوی

---

 

وعلیکم السلام ورحمتہ اللہ وبرکاتہ

بسم اللہ الرحمٰن الرحیم

الجواب بعون الملک الوھاب

مرتے وقت اگر کسی مسلمان کے منہ سے کلمہ کفر نکل جائے تو اسے کفر کا حکم نہیں دینگے جیسا بہار شریعت میں ہے کہ

مرتے وقت معاذ ﷲ اس کی زبان سے کلمۂ  کفر نکلا تو کفر کا حکم نہ دیں  گے کہ ممکن ہے موت کی سختی میں  عقل جاتی رہی ہو اور بے ہوشی میں  یہ کلمہ نکل گیا۔اور بہت ممکن ہے کہ اس کی بات پوری سمجھ میں  نہ آئی کہ ایسی شدت کی حالت میں  آدمی پوری بات صاف طور پر ادا کرلے دشوار ہوتا ہے۔ حوالہ بہار شریعت ج ۱ ح ۴ ص ۸۱۱ ناشر مکتبہ المدینہ باب المدینہ کراچی دعوت اسلامی۔

لہٰذا جب اسے کفر کا حکم نہیں دیا جائے گا تو جو معاملہ ہر مسلمان کے ساتھ کیا جاتا ہے وہی اس کے ساتھ بھی کیا جائے گا۔

مثلاً اس کی نماز جنازہ ایصال ثواب وغیرہ میں۔

واللہ تعالیٰ اعلم بالصواب 

از قلم فقیر محمد اشفاق عطاری

۱۴ صفر المظفر ۱۴۴۲ ہجری 

۰۲ اکتوبر ۲۰۲۰ عیسوی بروز جمعہ