سوال نمبر 1608
کیا فرماتے ہیں علمائے کرام اس مسئلے کے بارے میں کہ خانہ کعبہ کی چھت پر نماز پڑھنا کیسا ہے مع حوالہ جواب عنایت فرمائیں عین و نوازش ہوگیا المستفتی:- اسحاق رضا
باسمہ تعالیٰ وتقدس
الجواب:- صورتِ مسئولہ میں کعبہ معظمہ کی چھت پر نماز پڑھنا مکروہ ہے۔چنانچہ علّامہ محمد بن عبد اللہ تمرتاشی حنفی متوفی1004ھ اور علّامہ علاء الدین حصکفی حنفی متوفی1088ھ لکھتے ہیں: (يَصِحُّ فَرْضٌ وَنَفْلٌ فِيهَا وَفَوْقَهَا۔۔۔وَإِنْ كُرِهَ الثَّانِي) لِلنَّهْيِ، وَتَرْكِ التَّعْظِيمِ۔(تنویر الابصار و شرحہ الدر المختار،کتاب الصلاۃ،باب الصلاۃ فی الکعبۃ)
اور صدر الشریعہ محمد امجد علی اعظمی حنفی متوفی1367ھ لکھتے ہیں:کعبہ معظمہ کی چھت پر نماز پڑھنا مکروہ ہے۔ (بہارِ شریعت،حصہ4)واللہ تعالیٰ اعلم بالصواب
کتبہ:- محمد اُسامہ قادری
متخصص فی الفقہ الاسلامی
پاکستان،کراچی
0 تبصرے