گواہان نکاح میں ایک، مرد اور ایک عورت ہے تو نکاح کا کیا حکم ہے؟ ‏

سوال نمبر 1872

السلام علیکم و رحمۃ اللہ وبرکاتہ 

کیا فرماتے ہیں علمائے اہلسنت والجماعت اس مسئولہ کے بارے میں کہ نکاح پڑھاتے وقت ایک گواہ مرد ہو اور ایک خنثی ہو تو کیا نکاح منعقد ہوگا 

 المستفتی ۔۔ غلام مصطفی

 وَعَلَيْكُم السَّلَام وَرَحْمَةُ اَللهِ وَبَرَكاتُهُ‎ 

الجواب بعون اللہ و رسولہ 

 صورت مستفسرہ میں نکاح منعقد نہیں ہوگا ہاں اگر دوخنثی ہوں اور ایک مرد ہو تب نکاح ہو جاۓ گا فتاویٰ ھندیہ میں ہے ۔ لاینعقد بشھادة المرأتین بغیر رجل وکذا الخنثیین إذالم یکن معھما رجل ھکذا فی فتاویٰ قاضیخان المجلدالاول ، کتاب النکاح ، ص٢٩٥ (بیروت لبنان) حضور صدرالشریعہ علیہ الرحمہ تحریرفرماتے ہیں ۔۔۔ صرف عورتوں یا خنثیٰ کی گواہی سے نکاح نہیں ہوسکتا جب تک ان میں کےدو کے ساتھ ایک مرد نہ ہو بہارشریعت ، حصہ ٧ ، ص١٢ (مکتبہ مدینہ دھلی)

 واللہ و رسولہ اعلم 

 عبیداللہ حنفی بریلوی