کیا سنت غیر مؤکدہ میں ہر رکعت میں سورت ملانا ضروری ہے؟

سوال نمبر 1902

السلام علیکم ورحمة اللہ وبرکاتہ

کیا فرماتے ہیں علمائے دین ومفتیان شرع متین اس مسئلہ میں کہ سنت غیر مٶکدہ کی چاروں رکعتوں میں سورة ملانی ہے، تیسری اور چوتھی رکعت میں سورة ملانا واجب ہے؟ اس کے بارے میں رہنمائی فرمائیں۔

 المستفتی :محمد جمیل قادری،بنگال

 باسمہ تعالیٰ وتقدس الجواب:

جی ہاں سنتِ غیر مٶکدہ کی تیسری اور چوتھی رکعت میں بھی فاتحہ کے ساتھ سورت ملانا واجب ہے۔چنانچہ فتاوی ہندیہ میں ہے:تجب قراءة الفاتحة وضم السورة او ما یقوم مقامھا من ثلاث آیات قصار او آیة طویلة فی الاولیین بعد الفاتحہ کذا فی النھر الفائق، وفی جمیع رکعات النفل والوتر ھکذا فی البحر الرائق۔(الفتاوی الھندیة،جلد اول،صفحہ٧١) اور بہارِ شریعت میں ہے:الحمد اور اس کے ساتھ سورت ملانا فرض کی دو پہلی رکعتوں میں اور نفل و وتر کی ہر رکعت میں واجب ہے۔

(بہارِ شریعت،جلد اول،حصہ سوم،صفحہ٨٥)

 واللہ تعالیٰ اعلم بالصواب

 کتبہ:

محمد اسامہ قادری پاکستان،کراچی جمعہ،١٢جمادی الاولیٰ١٤٤٣ھ۔١٧دسمبر٢٠٢١ء