ایک بیوی تین بیٹے، چار بیٹیوں میں ترکہ کیسے تقسیم ہو؟

 سوال نمبر 2065

السلام علیکم ورحمةاللہ وبرکاتہ 

کیا فرماتے ہیں علمائے دین ومفتیان شرع متین اس مسئلہ میں کہ ورثاء میں ایک بیوی، تین بیٹے اور چار بیٹیاں ہوں تو ہر ایک کو کتنا کتنا حصہ ملے گا؟بینوا وتؤجروا عند اللہ۔

المستفتی ۔محمد عمر قادری بلرامپور 

وعلیکم السلام ورحمةاللہ وبرکاتہ 

الجواب۔بعون الملک الوھاب ۔

 صورت مسئولہ میں میت کے ترکہ سے ترتیب وار کل چار طرح کے حقوق متعلق ہوتے ہیں ۔

اول ۔۔۔۔۔ اس کے مال سے میت کی تجہیز وتکفین کی جاۓ ۔

دوم ۔۔۔۔۔۔ اس کے مال سے میت دیون ادا کئے جائیں ۔

سوم ۔۔۔۔۔ اس کے تہائی مال سے میت کی وصیت پوری کی جاۓ ۔ 

چہارم ۔۔۔۔۔ اس کے بعد بچے ہوۓ مال و جائداد میں سے میت ورثہ کے درمیان میراث تقسیم کی جاۓ ۔

جیساکہ فتاوی عالمگیری جلد ٦ صفحہ ٤٤٧ میں ہے ،،

التَّرِكَةُ تَتَعَلَّقُ بِهَا حُقُوقٌ أَرْبَعَةٌ: جِهَازُ الْمَيِّتِ وَدَفْنُهُ وَالدَّيْنُ وَالْوَصِيَّةُ وَالْمِيرَاثُ. فَيُبْدَأُ أَوَّلًا بِجَهَازِهِ وَكَفَنِهِ وَمَا يُحْتَاجُ إلَيْهِ فِي دَفْنِهِ بِالْمَعْرُوفِ،ثُمَّ بِالدَیْنِ ثُمًّ تُنَفَّذُ وَصَايَاهُ مِنْ ثُلُثِ مَا يَبْقَى بَعْدَ الْكَفَنِ وَالدَّيْنِ إلَّا أَنْ تُجِيزَ الْوَرَثَةُ أَكْثَرَ مِنْ الثُّلُثِ ثُمَّ يُقَسَّمُ الْبَاقِي بَيْنَ الْوَرَثَةِ عَلَى سِهَامِ الْمِيرَاثِ،)

اھ ملخصا ۔

 صورت مسئولہ میں بعد تقدیم ماتقدم وانحصارورثہ فی المذكورين زید کے کل مال متروکہ منقولہ وغیرمنقولہ کے اسّی( 80)حصے کئے جائیں گے ۔ 

اس میں سے آٹھواں حصہ( دس حصہ) میت کے بیوی کوملےگا ۔

ارشادباری تعالی ،، 

فَاِنْ كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُمْ مِّنْۢ بَعْدِ وَصِیَّةٍ تُوْصُوْنَ بِهَاۤ اَوْ دَیْنٍؕ۔ 

پھر اگر تمہارے اولاد ہو تو ان کا تمہارے ترکہ میں سے آٹھواں جو وصیت تم کر جاؤ اور دَین نکال کر،

(پارہ ٤ سورہ النساء آیت ١١) 

باقی بچے ستر (70)حصہ تو اس میں سے چودہ چودہ حصہ ہر ایک لڑکے کوملے گا ۔ اور سات سات حصہ ہرایک لڑکیوں کو ملے گا ۔ 

ارشادباری تعالی ،، 

یُوْصِیْكُمُ اللّٰهُ فِیْۤ اَوْلَادِكُمْۗ-لِلذَّكَرِ مِثْلُ حَظِّ الْاُنْثَیَیْنِۚ۔

اللہ(عزوجل) تمہیں حکم دیتا ہے تمہاری اولاد کے بارے میں بیٹے کا حصہ دو بیٹیوں کے برابر ہے۔

مسئلہ 80  

بیوی ۔۔۔۔۔۔۔۔۔۔۔۔۔۔۔۔ 10

بیٽا۔۔۔۔۔۔۔۔۔۔۔۔۔۔۔۔۔۔14

بیٹا۔۔۔۔۔۔۔۔۔۔۔۔۔۔۔۔۔۔14

بیٹا۔۔۔۔۔۔۔۔۔۔۔۔۔۔۔۔۔۔14

بیٹی۔۔۔۔۔۔۔۔۔۔۔۔۔۔۔۔7

بیٹی۔۔۔۔۔۔۔۔۔۔۔۔۔۔۔۔7

بیٽی۔۔۔۔۔۔۔۔۔۔۔۔۔۔۔۔7

بیٹی۔۔۔۔۔۔۔۔۔۔۔۔۔۔۔۔7

وھوسبحانہ تعالی اعلم بالصواب 

کتبه 

العبد ابوالفیضان محمد عتیق الله صدیقی فیضی یارعلوی ارشدی عفی عنہ

دارالعلوم اھلسنت محی الاسلام 

بتھریاکلاں ڈومریاگنج سدھارتھ نگر یوپی .

المتوطن :۔ کھڑریابزرگ پھلواپور گورابازار سدھارتھنگر یوپی ۔

٢٢ شعبان المعظم ١٤٤٣ھ

27 مارچ ٢٠٢٢ء