چوہا کھانا حرام ہے؟

سوال نمبر 2178

السلام علیکم ورحمۃ اللہ وبرکاتہ

 کیا فرماتے ہیں علمائے کرام مسئلہ ذیل کے بارے میں کہ چوہا کھانا کیسا ہے ؟ 

المستفتی محمد سراج ضلع کشن گنج بہار

وعلیکم السلام ورحمة الله وبرکاتہ

الجواب بعون الملک الوہاب :

چوہا کھانا حرام ہے  کیونکہ چوہا حشرات الارض میں سے ہے ۔

 نوکیلے دانتوں سے شکار کرنے والا ہر جانور حرام ہے

 محقق جلیل اعلی حضرت امام احمد رضا قدس سرہ العزیز تحریر فرماتے ہیں:

"ہماری تمام کتبِ مذہب اور صحاحِ احادیثِ سید المرسلین صلی اللہ تعالٰی علیہم اجمعین میں صاف صریح حکمِ قطعی کلی بلااستثناء وتخصیص موجود ہے ، کہ ہر پرند اپنے پنجہ سے شکار کرنے والے حرام ہے، جیسے ہر درندہ دانتوں سے شکار کرنے والے۔عالمگیری میں بدائع سے ہے:”لایحلّ کل ذی مخلب من الطیر” ۔یعنی حرام ہے ہر پنچہ والا پرند۔ طحطاوی میں ہے :”لایحل سباع الوحوش والطیر” اھ ملخصا۔درندے وحشی وپرند سب حرام ہیں۔حموی پھر طحطاوی پھر شامی میں ہے :”الدلیل علیہ انہ صلی ﷲ تعالٰی علیہ وسلم نہی عن اکل کل ذی ناب من السباع، وکل ذی مخلب من الطیر”، رواہ وابوداؤدوجماعۃ”

(فتاوی رضویہ جلد ۲۰ صفحہ ۳۱۴ ) 

 اور حضور صدر الشریعہ علیہ الرحمہ تحریر فرماتے ہیں:

"حشرات الارض حرام ہیں جیسے: چوہا، چھپکلی، گرگٹ، گھونس، سانپ، بچھو، مچھر، پسو، کٹھمل، مکھی، کلی، مینڈک وغیرہا۔”(بہارِ شریعت حصہ  ١۵ صفحہ ٣٢٦)

واللہ تعالیٰ اعلم 

کتبہ

محمد معصوم رضا نوریؔ عفی عنہ 

۱۳ محرم الحرام ۱۴۴۴ ھجری

۱۲ اگست ۲۰۲۲ عیسوی جمعہ مبارک