سوال نمبر 2367
السلام علیکم ورحمةاللہ وبرکاتہ
کیافرماتےھیں علماۓکرام اس مسئلہ میں کہ زید کا انتقال ہوا اس نے بیوی اور تین بیٹا اور پانچ بیٹی چھوڑا ۔ تو زید مرحوم کے مال متروکہ میں مذکورہ وارثین کس کو کتنا حصہ ملےگا ؟
شریعت کی روشنی میں تقسیم فرماکر عنداللہ ماجورہوں اورعندالناس مشکورہوں ۔
بینواوتوجروا
المستفتی ۔
قاری خلیق الرحمن سبحانی ڈومریا گنج سدھارتھنگر
وعلیکم السلام ورحمةاللہ وبرکاتہ
الجواب۔بعون الملک الوھاب ۔
صورت مسئولہ میں میت کے ترکہ سے ترتیب وار کل چار طرح کے حقوق متعلق ہوتے ہیں ۔
*اول ۔۔۔۔۔۔۔* اس کے مال سے میت کی تجہیز وتکفین کی جاۓ ۔
*دوم ۔۔۔۔۔۔* اس کے مال سے میت دیون ادا کئے جائیں ۔
*سوم ۔۔۔۔۔* اس کے تہائی مال سے میت کی وصیت پوری کی جاۓ ۔
*چہارم ۔۔۔۔۔۔* اس کے بعد بچے ہوۓ مال و جائداد میں سے میت ورثہ کے درمیان میراث تقسیم کی جاۓ ۔
*جیساکہ فتاوی عالمگیری جلد ٦ صفحہ ٤٤٧ میں ہے ،،*
*التَّرِكَةُ تَتَعَلَّقُ بِهَا حُقُوقٌ أَرْبَعَةٌ: جِهَازُ الْمَيِّتِ وَدَفْنُهُ وَالدَّيْنُ وَالْوَصِيَّةُ وَالْمِيرَاثُ. فَيُبْدَأُ أَوَّلًا بِجَهَازِهِ وَكَفَنِهِ وَمَا يُحْتَاجُ إلَيْهِ فِي دَفْنِهِ بِالْمَعْرُوفِ،ثُمَّ بِالدَیْنِ ثُمًّ تُنَفَّذُ وَصَايَاهُ مِنْ ثُلُثِ مَا يَبْقَى بَعْدَ الْكَفَنِ وَالدَّيْنِ إلَّا أَنْ تُجِيزَ الْوَرَثَةُ أَكْثَرَ مِنْ الثُّلُثِ ثُمَّ يُقَسَّمُ الْبَاقِي بَيْنَ الْوَرَثَةِ عَلَى سِهَامِ الْمِيرَاثِ،)*
*اھ ملخصا ۔*
صورت مسئولہ میں بعد تقدیم ماتقدم وانحصارورثہ فی المذكورين زید کے کل مال متروکہ منقولہ وغیرمنقولہ کے اٹھاسی (٨٨) حصے کئے جائیں گے ۔ جس میں سے آٹھواں حصہ ( ١ ١ )حصہ مرحوم کے بیوی کوملےگا ۔
ارشادباری تعالی ،،
فَاِنْ كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُمْ مِّنْۢ بَعْدِ وَصِیَّةٍ تُوْصُوْنَ بِهَاۤ اَوْ دَیْنٍؕ۔
پھر اگر تمہارے اولاد ہو تو ان کا تمہارے ترکہ میں سے آٹھواں جو وصیت تم کر جاؤ اور دَین نکال کر،
(پارہ ٤ سورہ النساء آیت ١١)
پھر باقی بچے ستہتر (٧٧ ) حصے تو ہر ایک بیٹے کو چودہ چودہ ( ١٤ . ١٤) حصہ اور ہر ایک بیٽی کو سات سات ( ٧ . ٧ ) حصہ ملےگا ۔
ارشادباری تعالی ،،
یُوْصِیْكُمُ اللّٰهُ فِیْۤ اَوْلَادِكُمْۗ-لِلذَّكَرِ مِثْلُ حَظِّ الْاُنْثَیَیْنِۚ-
الله( عزوجل) تمہیں حکم دیتا ہے تمہاری اولاد کے بارے میں بیٹے کا حصہ دو بیٹیوں کے برابر ہے۔
(پارہ ٤ سورہ النساء آیت ١١ )
مسئلہ ٨٨
بیوی ۔۔۔۔۔۔۔۔۔۔۔۔۔۔۔۔۔۔ ١١
بیٹا ۔۔۔۔۔۔۔۔۔۔۔۔۔۔۔۔۔۔۔۔ ١٤
بیٹا ۔۔۔۔۔۔۔۔۔۔۔۔۔۔۔۔۔۔۔۔١٤
بیٹا ۔۔۔۔۔۔۔۔۔۔۔۔۔۔۔۔۔۔۔۔١٤
بیٹی ۔۔۔۔۔۔۔۔۔۔۔۔۔۔۔۔۔۔۔۔ ٧
بیٽی ۔۔۔۔۔۔۔۔۔۔۔۔۔۔۔۔۔۔۔۔٧
بیٽی ۔۔۔۔۔۔۔۔۔۔۔۔۔۔۔۔۔۔۔۔٧
بیٹی ۔۔۔۔۔۔۔۔۔۔۔۔۔ ۔۔۔۔۔۔٧
بیٹی ۔۔۔۔۔۔۔۔۔۔۔۔۔۔۔۔۔۔۔۔٧
وھوسبحانہ تعالی اعلم بالصواب
کتبه
*العبد ابوالفیضان محمد عتیق الله صدیقی فیضی یارعلوی ارشدی عفی عنہ*
دارالعلوم اھلسنت محی الاسلام
بتھریاکلاں ڈومریاگنج سدھارتھ نگر یوپی .
*المتوطن :۔* کھڑریابزرگ پھلواپور گورابازار سدھارتھنگر یوپی ۔
١٠ رجب المرجب ١٤٤٤ھ
٢ فروری ٢٠٢٣ء
0 تبصرے