سوال نمبر 2369
السلام علیکم ورحمةاللہ وبرکاتہ
کیافرماتےھیں علماۓکرام اس مسئلہ میں کہ ایک عورت کا انتقال ہوا اسکا شوہر ایک بیٹا اور پانچ بیٹیاں ہیں کس تناسب سے حصہ تقسیم ہو گا ؟ جواب عنایت فرما کر ممنون فرمائیں ۔
المستفتی ۔
عبداللہ قادری سدھارتھنگری
وعلیکم السلام ورحمةاللہ وبرکاتہ
الجواب۔بعون الملک الوھاب
صورت مسئولہ میں بعدتقدیم ماتقدم وانحصارورثه فی المذکورین مرحومہ عورت کی کل مال متروکہ منقولہ وغیرمنقولہ کو کل اٹھائیس( ۲۸ )حصوں میں تقسیم کیا جاۓ گا ۔ جس میں سے شوہرکو ربع (یعنی کل مال متروکہ کی چوتھائ حصہ) دیاجاۓگا ۔
ارشادباری تعالی :۔
فَاِنْ كَانَ لَهُنَّ وَلَدٌ فَلَكُمُ الرُّبُعُ مِمَّا تَرَكْنَ مِنْۢ بَعْدِ وَصِیَّةٍ یُّوْصِیْنَ بِهَاۤ اَوْ دَیْنٍؕ ۔
پھر اگر ان کی اولاد ہوں توان کی ترکہ میں سے تمہیں چوتھائی ہے جو وصیّت وہ کر گئیں اور دَین نکال کر،
(پارہ ٦ سورہ النساء آیت ١٧٦ ۔ )
اور باقی بچے اکیس (٢١ ) حصے جس میں سے چھ ( ٦ )حصہ ایک بیٹے کو اور تین تین( ٣ ٣ )حصے ہر ایک بیٹی کو دیاجاۓگا ۔
ارشادباری تعالی : ۔
یُوْصِیْكُمُ اللّٰهُ فِیْۤ اَوْلَادِكُمْۗ-لِلذَّكَرِ مِثْلُ حَظِّ الْاُنْثَیَیْنِۚ ۔
ترجمہ: اللّٰہ (عزوجل) تمہیں حکم دیتا ہے تمہاری اولاد کے بارے میں بیٹے کا حصہ دو بیٹیوں کے برابر ہے ۔
(پارہ ٤ سورہ النساء آیت ١١ ۔ ١٢ )
مسئلہ .( ٢٨ )
شوہر ۔۔۔۔۔۔۔۔۔۔۔۔۔۔ ٧
بیٹا ۔۔۔۔۔۔۔۔۔۔۔۔۔۔۔۔۔ ٦
بیٹی ۔۔۔۔۔۔۔۔۔۔۔۔۔۔۔٣
بیٹی ۔۔۔۔۔۔۔۔۔۔۔۔۔۔۔٣
بیٹی ۔۔۔۔۔۔۔۔۔۔۔۔۔۔۔٣
بیٹی ۔۔۔۔۔۔۔۔۔۔۔۔۔۔۔٣
بیٹی ۔۔۔۔۔۔۔۔۔۔۔۔۔۔۔٣
ـ وھوسبحانہ تعالی اعلم بالصواب ۔
کتبه
العبد ابوالفیضان محمد عتیق اللہ صدیقی فیضی یارعلوی ارشدی عفی عنہ
دارالعلوم اھلسنت محی الاسلام
بتھریاکلاں ڈومریا گنج سدھارتھنگر یوپی
المتوطن ۔ کھڑریابزرگ پھلواپور گورابازار سدھارتھنگر یوپی ۔
٩ رجب المرجب ١٤٤٤ھ
١ فروری ٢٠٢٣ ء
0 تبصرے