کنڈے کی راکھ پاک ہے یا ناپاک

 السلام علیکم ورحمتہ اللہ وبرکاتہ

کیا فرماتے ہیں علمائے دین اس مسئلہ کے بارے میں کہ کنڈے کی راکھ پاک ہے یا ناپاک مدلل جواب عنایت فرمائیں 

از __ محمد زبیر رضا

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

الجواب بعون الملک الغفار

گوبر کے اوپلے کی راکھ پاک ہے جبکہ اسکا جلنا انتہا کو پہنچ جاۓ یعنی اگر کنڈے جل رہے تھے مکمل جلے بغیر بجھ گۓ تو پاکی کا حکم نہیں دیاجاۓ گا علامہ شیخ نظام الدین حنفی متوفی ١١٦١ھ اور علمائے ہند کی ایک جماعت نے تحریر فرمایا ہے وَمِنْهَا) الْإِحْرَاقُ السِّرْقِينُ إذَا أُحْرِقَ حَتَّى صَارَ رَمَادًا فَعِنْدَ مُحَمَّدٍ يُحْكَمُ بِطَهَارَتِهِ وَعَلَيْهِ الْفَتْوَى. هَكَذَا فِي الْخُلَاصَةِ. گوبر جلایا جاۓ حتی کہ وہ راکھ ہوجاۓ تو امام محمد رحمة اللہ علیہ کےنزدیک وہ راکھ پاک ہوگٸ اور اسی پر فتوی ہے اور یہ خلاصہ میں مذکور ہے

(الفتاویٰ الھندیة ، المجلدالاول ، کتاب الطہارة ، ص ٤٩{بیروت لبنان}

اور صدرالشریعہ مفتی امجد علی اعظمی متوفیٰ ١٣٦٧ھ تحریر فرماتےہیں ۔اپلے کی راکھ پاک ہے اور اگر راکھ ہونے سے قبل بجھ گیا تو ناپاک۔(بہارشریعت ، حصہ٢ ، ص٣٩٦{مکتبہ مدینہ دھلی}واللہ و رسولہ اعلم 

کتبہ 

عبیداللّٰه حنفیؔ بریلوی مقام دھونرہ ٹانڈہ ضلع بریلی شریف {یوپی}

١٦ /رمضان المبارک/ ١٤٤٤ھ

٥/ذوالحجہ/ ٢٠٢٣ء

مسائل شرعیہ کے جملہ فتاوی کے لئے یہاں کلک کریں

فتاوی مسائل شرعیہ کے لئے یہاں کلک کریں