چار لڑکے ایک لڑکی میں وراثت کی تقسیم

 سوال نمبر 2605

السلام علیکم ورحمتہ اللہ وبرکاتہ 

کیا فرماتے ہیں علمائے کرام و مفتیان عظام اس مسلہ پر زید کا انتقال ہوا اس نےاپنی وراثت میں 500000روپیہ چھوڑا اب زید کی5 اولاد ہے جس میں سے 4 لڑکے اور 1 لڑکی ہے ان میں سے کس کو کتنی وراثت شریعت کے اعتبار سے ملنی چاہیے واضح فرمائیں

سائیل محمد شاہد رضا نوری ایم پی ۔

وعلیکم السلام ورحمۃ اللہ وبرکاتہ

الجواب بعون الملک الوھاب ۔ 

صورت مسئولہ میں برصدق مستفتی بعد تقدیم ماتقدم علی الارث وانحصار ورثہ فی المذکورین مرحوم کے کل مال متروکہ منقولہ وغیرمنقولہ کے  نو (٩) حصے کئے جائیں گے ۔ جس میں سے دو ، دو حصے چاروں لڑکوں کو دیا جائے گا ۔ اور ایک حصہ لڑکی کو دیا جائے گا ۔ 

ارشاد باری تعالیٰ  یُوْصِیْكُمُ  اللّٰهُ  فِیْۤ  اَوْلَادِكُمْۗ-لِلذَّكَرِ  مِثْلُ  حَظِّ  الْاُنْثَیَیْنِۚ-  اللّٰہ  (عزوجل) تمہیں  حکم دیتا ہے تمہاری اولاد کے بارے میں  بیٹے کا حصہ دو بیٹیوں  کے برابر ہے (پارہ ٤ سورہ النساء آیت ١١,١٢ ) 

مسئلہ ٩  = 

٥٠٠٠٠٠ کل رقم پانچ لاکھ ۔ 

بیٹا ۔۔۔۔۔۔۔۔۔۔۔۔۔۔١١١١١١

بیٹا ۔۔۔۔۔۔۔۔۔۔۔۔۔١١١١١١

بیٹا ۔۔۔۔۔۔۔۔۔۔۔۔۔١١١١١١

بیٹا ۔۔۔۔۔۔۔۔۔۔۔۔۔١١١١١١

بیٹی ۔۔۔۔۔۔۔۔۔۔۔۔۔٥٥٥٥٥

وھوسبحانہ تعالیٰ اعلم بالصواب

کتبه 

العبد ابوالفيضان الحاج محمد عتيق الله صديقى فيضى یارعلوی ارشدی عفی عنہ ۔ 

مقام کھڑریابزرگ پھلواپور پوسٹ گورا بازار ضلع سدھارتھ نگر یوپی ۔