چار بیٹے پانچ بیٹی میں ترکہ کی تقسیم

 سوال نمبر 2608

السلام علیکم ورحمۃ اللہ وبرکاتہ 

کیا فرماتے ہیں علماء کرام کو مفتیان عظام اس مسئلہ کے بارے میں کہ زید کا انتقال ہو گیا اور اس کی ایک بیوی ہے اور چار بیٹے ہیں اور پانچ بیٹی ۔ترکہ میں سے کس کو کتنا حصہ ملے گا برائے مہربانی بتائیے ؟ قرآن وحدیث کی روشنی جواب عنایت فرمائیں ۔ 

سائل ۔۔ محمد ربیع الاسلام 

 سکون ۔۔ ویسٹ بنگال 

وعلیکم السلام ورحمۃ اللہ وبرکاتہ

الجواب بعون الملک الوھاب ۔ 

صورت مسئولہ میں برصدق مستفتی بعد تقدیم ماتقدم علی الارث وانحصار ورثہ فی المذکورین مرحوم کے کل مال متروکہ منقولہ وغیرمنقولہ کے ایک سو چار  (١٠٤) حصے کئے جائیں گے جس میں سے آٹھواں حصہ یعنی تیرہ (١٣) حصہ بیوی کو دیا جائے گا ۔ 

ارشاد باری تعالیٰ  فَاِنْ  كَانَ  لَكُمْ  وَلَدٌ  فَلَهُنَّ  الثُّمُنُ  مِمَّا  تَرَكْتُمْ  مِّنْۢ  بَعْدِ  وَصِیَّةٍ  تُوْصُوْنَ  بِهَاۤ  اَوْ  دَیْنٍؕ-  پھر اگر تمہارے اولاد ہو تو ان کا تمہارے ترکہ میں  سے آٹھواں  جو وصیت تم کر جاؤ اور دَین نکال کر ۔

باقی بچے اکانویں  حصہ ( ٩١) تو اس میں سے  بیٹوں کو چودہ ،چودہ حصے (١٤ ،١٤)دیا جائے گا اور لڑکیوں کو سات سات حصہ (٧ ، ٧) دیا جائے گا ۔ 

ارشاد باری تعالیٰ  یُوْصِیْكُمُ  اللّٰهُ  فِیْۤ  اَوْلَادِكُمْۗ-لِلذَّكَرِ  مِثْلُ  حَظِّ  الْاُنْثَیَیْنِۚ-  اللّٰہ  (عزوجل) تمہیں  حکم دیتا ہے تمہاری اولاد کے بارے میں  بیٹے کا حصہ دو بیٹیوں  کے برابر ہے

(پارہ ٤ سورہ النساء آیت ١١,١٢ ) 

مسئلہ ٨× ١٣ = ١٠٤ تصحیح

بیوی ۔۔۔۔۔۔۔۔۔۔۔۔۔ ١٣

بیٹا ۔۔۔۔۔۔۔۔۔۔۔۔۔۔١٤

بیٹا ۔۔۔۔۔۔۔۔۔۔۔۔۔۔۔١٤

بیٹا ۔۔۔۔۔۔۔۔۔۔۔۔۔۔۔١٤

بیٹا ۔۔۔۔۔۔۔۔۔۔۔‌۔۔۔۔١٤

بیٹی ۔۔۔۔۔۔۔۔۔۔۔۔۔٧

بیٹی ۔۔۔۔۔۔۔۔۔۔۔۔۔٧

بیٹی ۔۔۔۔۔۔۔۔۔۔۔۔‌۔٧

بیٹی ۔۔۔۔۔۔۔۔۔۔۔۔۔٧

بیٹی ۔۔۔۔۔۔۔۔۔۔۔۔۔٧

وھوسبحانہ تعالیٰ اعلم بالصواب

کتبه 

العبد ابوالفيضان الحاج محمد عتيق الله صديقى فيضى یارعلوی ارشدی عفی عنہ ۔ 

مقام کھڑریابزرگ پھلواپور پوسٹ گورا بازار ضلع سدھارتھ نگر یوپی ۔