بدمذہبوں سے کہاں تک ربط و ضبط رکھنا درست ہے ؟

 سوال نمبر 2661

السلام علیکم و رحمۃ اللہ و برکاتہ 

کیا فرماتے ہیں علمائے کرام مسئلہ ذیل کے بارے میں کہ 

دنیاوی معاملات میں بدمذہبوں سے کہاں تک ربط و ضبط رکھ سکتے ہیں جس سے ایمان پر نقصان نہ ہو کیونکہ زید جہاں رہتا ہے وہاں کی پوری آبادی دیوبندیوں غیر مقلدوں کی ہے ؟

المستفتی :- عبداللہ 

وعلیکم السلام ورحمتہ اللہ وبرکاتہ 

الجواب : دنیوی معاملات میں بر بنائے ضرورت  بقدر ضرورت  ربط و ضبط و میل جول  کی اجازت و رخصت ھے  بصورت دیگر میل جول و دوستی و مجلس حرام ھے 

  جیسا کہ حضور اعلی حضرت امام احمدرضا خان فاضلِ بریلوی رضی اللہ تعالیٰ عنہ تحریر فرماتے ہیں 

"اور اگر مجلس و  میل جول  بر بنائے ضرورت بقدر ضرورت بغیر دوستی اور انس و محبت بلا تعظیم و تکریم اور بغیر دینی نقصان یا کمزوری کے ھو تو اس کی اجازت اور رخصت ھے بصورت دیگر میل جول اور مجلس بھی حرام ھے "

(فتاوی رضویہ جلد 21 ص 125 تا 126/ مترجم )

واللہ أعلم بالصواب 

محمد ساحل رضا اشرفی