کیا فرض جماعت سے پڑھنے والا وتر جماعت سے پڑھ سکتا ہے جبکہ تراویح نہ پڑھا ہو؟

 سوال نمبر 918

السلام علیکم ورحمتہ اللہْ وبرکاتہ

 میرا ایک سوال ہے کہ چند لوگ عشاء کی نماز جماعت سے پڑھی لیکن ان لوگوں نے تراویح کی نماز نہیں پڑھی اور وتر کی نماز جماعت کے ساتھ پڑھنا چاہتے ہیں تو کیا وہ وتر کی نماز جماعت کے ساتھ پڑھ سکتے ہیں اور اگر ان لوگوں نے جماعت کے ساتھ پڑھ لی تو کیا ان لوگوں کی نماز ہوگئی یا نہیں ہوئی یا وتر کی نماز تنہا تنہا پڑھیں گے براۓ کرم جواب عنایت فرماٸیں 

سائل شبیر عالم گیا بہار

---

وعلیکم السلام ورحمتہ اللہ تعالیٰ وبرکاتہ

الجواب بعون الملك الوھاب

اگر کچھ لوگوں نے نماز عشاء جماعت کے ساتھ پڑھ لی اور تراویح کی نماز نہیں پڑھی تب بھی یہ لوگ نماز وتر جماعت کے ساتھ پڑھ سکتے ہیں کہ رمضان المبارک میں نماز وتر جماعت سے پڑھنا افضل ہےجیسا کہ حضور صدرالشریعہ علیہ الرحمہ تحریر فرماتے ہیں کہ رمضان شریف میں وتر جماعت کے ساتھ پڑھنا افضل ہے اور فرماتے ہیں کہ اگر عشاء جماعت سے پڑھی اور تراویح تنہا تو وتر کی جماعت میں شریک ہوسکتا ہے اور اگر عشاء تنہا پڑھ لی اگرچہ تراویح باجماعت پڑھی تو وتر تنہا پڑھے۔ بہار شریعت جلد اول حصہ چہارم صفحہ نمبر 33 واللہ اعلم باالصواب

کتبہ

 محمد الطاف حسین قادری