دولہا دلہن کے والدین گواہ و وکیل بنیں تو نکاح ہوگی یا نہیں

سوال نمبر 194

کیا فرماتے ہیں علمائے کرام ومفتیان عظام مسلہ ذیل کے بارے میں کے دولہا کا باپ گواہ اور دلہن کاباپ وکیل ہو  اور دولہا کی ماں گواہ ہو تو کیا شادی ہو جائے گی جواب عنایت فرمائیں

---

وعلیکم السلام ورحمةاللہ وبرکاته

الجواب ھوالموفق للحق والصواب

النکاح ینعقد بایجاب وقبول عند الشاہدین

صحت نکاح کے لیے کم ازکم دو عاقل بالغ مسلمان مرد یا اسی طرح کی دو عورتیں اور ایک مرد کا بہ طور گواہ مجلسِ نکاح میں موجود ہونا ضروری ہے، نکاح کے گواہ لڑکی کے والدین بھی بن سکتے ہیں؛ لیکن گواہوں کا مذکورہ بالا نصاب پورا ہونا ضرور ی ہے یعنی ماں باپ کے ساتھ ایک اور عورت یا ایک اور مرد بہ طور گواہ موجود ہونا ضروری ہے، اگر لڑکی اور لڑکا دونوں خود (وکیل کے واسطے سے) ایجاب وقبول کررہے ہوں، صحت نکاح کے لیے صرف اتنا کافی ہے کہ گواہان ایجاب وقبول کو سنیں اور سمجھیں، لڑکے اور لڑکی کو پورے طور پر پہچاننا ضروری نہیں ہے۔ھکذافی کتب الفقہیہ

ھذاماظہرلی والعلم عنداللہ

کتبہ

منظور احمد یارعلوی