مسبوق اگر ایک رکعت پائے تو کیا کرے

سوال نمبر 228

السلام علیکم ورحمتہ اللہ وبرکاتہ 

 سوال  کیا فرماتے ہیں علمائے کرام مسئلہ ذیل کے بارے میں کہ مغرب کی دو رکعت چھوٹ گئی تیسری رکعت میں شامل ہوا تو اب وہ پہلی رکعت میں تشہد پڑھے گا یا دوسری رکعت میں حوالہ کے ساتھ جواب عنایت فرمائیں 

المستفتی عبدالحفیظ رضوی جامع مسجد اترولہ

---

وعلیکم السلام ورحمۃ اللہ وبرکاتہ

     بسم اللہ الرحمن الرحیم

 الجواب بعون الملک الوہاب صورت مسئولہ میں میں مقتدی امام کے سلام پھیرنے کے  بعد کھڑا ہو جائے اور اگر پہے ثناء نہ پڑھا ہو تو ثناء  سورہ فاتحہ مع سورت کے پڑھے پھر رکوع سجود کرے بعدہ رکوع سجود کے قعدہ کرے کہ یہ اس کے حق میں دوسری رکعت ہے پھر تشہد سے فارغ ہوکر سورہ فاتحہ مع سورت پڑھے اور رکوع سجود کے بعد پھر قعدہ کرے کہ یہ قعدہ اخیرہ ہے بعد تشہد درود شریف کے سلام پھیر دے جیسا کہ علامہ صدرالشریعہ علیہ الرحمہ فرماتے ہیں کہ مسبوق نے جب امام کے فارغ ہونے کے بعد اپنی شروع کی تو حق قراء ت میں یہ رکعت اول قرار دی جائے گی اور حق تشہد میں پہلی نہیں بلکہ دوسری تیسری چوتھی جو شمار میں آئے مثلا تین یا چار رکعت والی نماز میں ایک اسے ملی تو حق تشہد میں یہ جو اب پڑھتا ہے، دوسری ہے، لہذا ایک رکعت فاتحہ و سورت کے ساتھ پڑھ کر قعدہ کرے (بہار شریعت ح۳جماعت کا بیان) واللہ اعلم بالصواب

                      کتبہ

الفقیر تاج محمد حنفی قادری واحدی اترولوی