گناہ کرکے کہنا بعد میں توبہ کر لوں گا

سوال نمبر 251

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎          

کوٸی شخص کسی سے کہ رہا کہ بھاٸی اس گناہ سے باز آجا اور گناہ گار کہ رہا ہو کہ بھاٸی میں تو چھوٹا گناہ کر رہا ہوں بڑا گناہ نہیں اور کہے کہ میں گناہ کے بعد تو بہ بھی کرونگا اللہ معاف کرنے والا ہے اگر ایسا کہنے والا عالم دین  ہوتو اسکا شریعت میں کیا حکم ہے اگر ہو تو پھر شریعت میں اسکا کیا حکم ہے جواب عنایت فرماٸیں        

 عارض محمد غلام یاسین

---

 وعلیکم السلام و رحمۃ اللہ وبرکاتہ

الجواب ھوالموفق للحق والصواب

ان عبارات محررہ سے جرات وجسارت علی الاثم والعدوان مفہوم ہے ایساہر گزنہیں کہناچاہئے کہنے والاخاطی وگنہگارقرار پائے گااس جرات وجسارت کیوجہ سے اس پر توبہ لازم ہے

 چھوٹاگناہ ہویابڑا ڈوبنے والے کوتنکاکاسہارااور شہر کی تباہی کے لئے ایک چنگاری کافی ہوتی ہے

بلکہ اگر گناہ ہوجائے تو فوراًتوبہ کرلیناچاہئےتوبہ میں تاخیرنہیں کرناچاہئے 

حدیث شریف میں ہے کہ

  التائب من الذنب کمن لاذنب له

ترجمہ : توبہ کرنے والا ایسا ہے جیسے اس نے گناہ کیا ہی نہیں

ھذاماظہرلی والعلم عنداللہ

کتبـــہ

منظوراحمد یارعـــلوی