• Home
  • نماز
    • طہارت
  • حج
  • زکوۃ
  • رمضان روزہ
  • کتابیں
مسائل شرعیہ
  • Home
  • نماز
    • طہارت
  • حج
  • زکوۃ
  • رمضان روزہ
  • کتابیں

13 مُحَرَّم بروز بدھ 1447ھ

آپ قوم کی بہتری کے لئے کچھ ہدیہ کریں کلک کریں

ہوممتفرقات کیا لڑکیاں گاڑی چلا سکتی ہیں؟

کیا لڑکیاں گاڑی چلا سکتی ہیں؟

SRRazmi ستمبر 10, 2019 متفرقات
سوال نمبر 417

السلام علیکم ورحمۃ اللہ وبرکاتہ 
 خدمت عالیہ میں عرض ھیکہ آجکل عورتیں جو گاڑی چلاتی ھیں کیا ضرورت کے تحت عورتیں گاڑی چلا سکتی ھیں؟






ووعلیکم السلام ورحمتہ اللہ وبرکا تہ الجـــــــــــــــــــواب بعونہ تعالی

 عورت کے لئے سب سے بہتر اور اچھی جگہ اس کا گھر ہےعورتوں کو گھر سے باہر نکلنے میں خطرات ہیں اس لئے مفسدہ اور فتنہ کا سبب بننے والی ظاہری مصلحت کی بنا پر عورتوں کو بلا ضرورت  گاڑی چلانے کی ممانعت ہے جہاں تک ہو سکے بچیں لیکن بعض علمائےکرام نے مردوں کی مشابھت اور بے پردگی اور غیروں کی نظر پڑنے کی  وجوہات کی بنا پر  بائیک یعنی اسکوٹی چلانے کو مطلقاعورتوں کے لئے ناجائز وحرام کہا  ہے لیکن یہ صحیح نہیں اس لئے کہ دینی اور سخت دنیوی ضروت کے تحت یا مخصوص مسافت سفر وغیرہ میں شرعی حدود میں رہ کر گاڑی اسکوٹی وغیرہ چلا سکتی ہیں   یہ شرعا  جائز ہے جیسا کہ  صحیح البخاری حدیث نمبر ۲۷ ۱۶و صحیح مسلم شریف حدیث نمبر ۶۶۰۴ ودیگر کتب احادیث سے صحابیات کا گھڑ سواری کرنا اونٹ کی سواری کرنا ثابت ہے اور حضرت حلیمہ سعدیہ رضی اللہ تعالی عنہا کا اونٹنی پرسوارہو کر سفر کرنا اور بعض امہات المومنین کا  سواری کرنا ثابت ہے ،، کتب سیر و غیرہ  اور بخاری شریف کی ایک روایت سے معلوم ہوتا ہے کہ قریش کی عورتیں اونٹ کی سواری کرتی تھیں جسے حضور صلی اللہ علیہ وسلم نے اچھی خصلت میں شمار فرمایا ہے لھذا بائیک چلانے میں بھی اونٹنی ہانکنے سے مشابہت ہے اس وجہ سے بائیک کی ڈرائونگ جائز ہے

اگر عورتوں کو گاڑی اور بائیک چلانے سے منع کرنے کی  وجہ یہ مان لیا جائے جیسا کہ بعض علماء نے کہا کہ اس میں مردوں سے مشابہت ہے تو یہ بے کار کی وجہ ہے۔ اس طرح کی مشابہتیں تلاش کرنے لگیں تو مرد اگر گھر میں برتن دھو لے  یا کپڑا دھل دے یا جھاڑولگا دےیا کھانا بنا دے تو یہ عورتوں سے مشابہت ہو جائے گی اور عورت اگر ملازمت کر لے یا کاروبار کر لے تو یہ مردوں سے مشابہت ہو جائے گی تو پھر بہت سے جائز کام ناجائز ہو جائیں گے۔ حدیث پاک میں جس مشابہت سے منع کیا گیا ہے، وہ جسمانی اور لباس کی مشابہت اختیار کرنا ہے نہ کہ کام کی۔

دوسری وجہ ممانعت کی اگر یہ مان لیا جائے  کہ بائیک یا گاڑی چلانے میں عورت بے پردہ ہو جاتی ہے۔ تو اس کا جواب یہ ہے کہ گاڑی تو اونٹ سے زیادہ ساتر سواری ہے کہ پردہ در پردہ ہے کہ ایک تو عورت پردہ میں ہے، دوسرےگاڑی نے اسے کور حفاظت کر رکھا ہے لھذا بائیک چلانے میں بھی اونٹ ہانکنے سے مشابہت کی وجہ سے حرج نہیں ہے۔اور ممانعت کی تیسری وجہ اگر یہ مان لیا جائے  کہ اس پر مردوں کی نظر پڑے گی تو وہ تو پیدل چلتی عورت پر بھی پڑتی ہے لہذا جب اسے باپردہ شرعی ضرورت وسخت دنیوی ضرورت کے وقت گھر سے نکلنے کے جواز کا فتوی مفتیان کرام نے دے دیا ہے مثلا  ، محرم نہ ہو تو سامان وغیرہ خریدنے کے لئے باہر جا سکتی ہے کوٹ کچہری جا سکتی ہے  اور رکشوں پر بیٹھ سکتی ہے وغیرہ وغیرہ، تو اب یہ کہنا بے کار ہے کہ   اپنی گاڑی یا بائیک کے ساتھ نہیں نکل سکتی۔ہے لھذا صورت مستفسرہ میں حکم یہ ہے کہ عورتیں باپردہ اور محرم نہ ہو  تو سخت دنیوی ضرورت کے وقت گاڑی وغیرہ سے سفر کرسکتی ہیں یعنی گاڑی چلاناجائز ہے

واللہ تعالیٰ اعلم
 کتبہ
 دعـا خاک پائے وارث انبیاء حقیر عجمی محـد علی قادری واحدی
۲۷ ربیع الاول ۱۴۴۱ ھجری



Join our WhatsApp Channel


اگلا مسئلہ
پچھلا مسئلہ

ملتے جلتے مراسلے

ایک تبصرہ شائع کریں

1 تبصرے

  1. فقیر تاج محمد حنفی قادری واحدی اترولوی1 اپریل، 2020 کو 8:17 AM

    لاجواب بہت خوب بہت عمدہ تحقیق
    ماشاء اللہ سبحان اللہ جزاک اللہ

    جواب دیںحذف کریں
    جوابات
      جواب دیں
تبصرہ شامل کریں
مزید لوڈ کریں...

ضروری معلومات

  • زکوۃ کلکولیٹر
  • فطرہ کیلکولیٹر
  • منتظمین مسائل شرعیہ

پیروکاران

ماہنامہ مسائل شرعیہ

ایک علمی و تحقیقی ماہنامہ، جو شرعی مسائل کو قرآن و سنت کی روشنی میں پیش کرتا ہے۔ مکمل مطالعے کے لیے یہاں کلک کریں۔

📖 ماہنامہ
فالو کریں
📢 ہماری تازہ اپ ڈیٹس کے لیے واٹس ایپ چینل کو فالو کریں!
گروپ جوائن کریں

صفحہ دیکھے جانے کی کل تعداد

5320590

مشہور اشاعتیں

عمر میں خیر و برکت کیلیے دعائے عاشوراء

یوم عاشورہ کے دن غسل کرنا کیسا ہے؟

تعزیہ کے سامنے فاتحہ کرنا کیسا ہے؟

محرم الحرام میں ڈھول بجانے والے اور دیکھنے والوں کو ثواب سمجھ کر پانی پلانا کیسا ہے؟

امام حسین رضی اللہ تعالٰی عنہ کا تیجہ کرنا کیسا ہے؟

Created By SR Razmi | Powered By SR Money Since 24/03/2019
Created By SRRazmi Powered By SRMoney

    ایک ضروری اعلان