سلام پھیرتے وقت دوسرے نماز کا وقت شروع ہو جائے تو کیا حکم ہے؟

سوال نمبر 438

السلام علیکم ورحمتہ اللہ

زید نے عصر کی نماز وقت آخر میں شروع کی یہاں تک کہ جب اُس نے سلام پھیرا تو مغرب کی اذانیں ہونے لگیں تو ایسی صورت میں نماز کا کیا حکم ہوگا

باحوالہ جواب ارشاد فرمائیں

محمد تابش مصباحی

---

وعلیکم السلام ور رحمة الله وبركاته 

الجواب بعون الملک الوہاب

صورت مسئولہ میں  نماز ہو گئی-

حدیث حضرت ابو ہریرہ رضی الله تعالیٰ عنہ سے روایت ہے کہ الله کے رسول ﷺ نے فرمایا جس نے فجر کی ایک رکعت قبل طلوع آفتاب پالی  تو اس نے نماز پالی( اس پر فرض ہو گئی)

اور جسے ایک رکعت عصر کی قبل غروب آفتاب مل گئی  اس نے نماز پالی یعنی اس کی نماز ہو گئی

یہاں دونوں جگہ رکعت سے مراد تکبیر تحریمہ لی جائے گی  یعنی عصر کی نیت باندھ لی تکبیر تحریمہ کہہ لی  اس وقت تک آفتاب نہ ڈوبا تھا پھر ڈوب گیا نماز ہو گئی - 

سنن النسائی"٬ کتاب المواقیت٬ باب من ادرک رکعتین من العصر٬ حدیث: ٬۵۱۴ صفہ ۹۲-

بحوالہ بہار شریعت حصہ سوم صفہ 447

واللہ تعالیٰ اعلم

کتبــــــہ

 محــــمد معصــوم رضا نوری مقیم حال منگلور کرناٹکا الھند

۲۰ محرم الحرام ١٤٤١ھ

جمعہ مبارکہ

+918052167976